थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

सडक विस्तारमे सहयोग करी

पहुरा | २२ कार्तिक २०७७, शनिबार
सडक विस्तारमे सहयोग करी

क्षेत्रीय शहरी विकास आयोजना अन्तरके धनगढी उपमहानगरपालिकामे रहल सात ठो सडक निर्माण कैना कहिके सम्झौता अन्सार अब्बे सडक विस्तारके काम धामधम आघे बह्रटी बा । धनगढीके टमान घरधनी नगरके सडक चाकिर बनैनामे सहजुल होए कहटी सडक क्षेत्राधिकार भिटर पर्ना पर्खाल, घर, टहरा घरधनी अपनही भस्काई लागल बाटै । बुधके रोज केल धनगढी उपमहानगरपालिका वडा नम्बर २ के ९ जाने घरधनी ओ वडा नम्बर ५ के ४ जाने घरधनी संरचना भस्कैलै । वडा नम्बर २ मे निर्माण हुइटी रहल गुल्म–चर्च सडक १० मिटर चाकिर बन्टी बा कलेसे वडा नम्बर ५ हुके निर्माण कैना क्याम्पस रोड–चटकपुर सडक १६ मिटर चाकिर बन्टी बा । उ घरधनी अपन संरचना अपनही भस्काइलपाछे सडक क्षेत्र छुट्टइना काममे सहज हुइल बा ।

क्षेत्रीय सहरी विकास आयोजना अन्तर्गत पहिल चरणमे सात ठो सडक निर्माण हुइना करके २०७७ साल असार २८ गते सम्झौता हुइल काम आघे बह्रल बा । जेम्ने गुल्म–चर्च रोड (२ हजार ७ मिटर), धनगढी मेन रोड, ट्राफिक चौराहासे कैलालीनाला (१ हजार ३ सय ८० मिटर), हुलाकी सडक–क्याम्पस रोड– जाखोरताल (७ सय मिटर), क्याम्पस रोड– चटकपुर (३ हजार ६ सय ५० मिटर), धनगढी–खुटीया स्याउले रोड (८ सय ७० मिटर), मालपोत रोड (४ सय ३० मिटर ओ हसनपुर रोड (१ हजार १ सय ५० मिटर) रहल बा ।

                धनगढी उपमहानगरपालिका वडा नम्बर ४ के अध्यक्ष दीपककुमार थापा मुख्य सडक विस्तारके लाग सडकके क्षेत्राधिकारसे १ मिटर ठप जमिन छोरके अपन संरचना भस्कैलै । क्षेत्रीय शहरी विकास आयोजना अन्तरके धनगढीके मुख्य सडक ३० मिटर चाकिर बनैटी बा । निर्माण हुइटी रहल उ सडकमे ढेर जैसिन घर टहरा घर सडकके क्षेत्राधिकारसे भित्तर परठ । अब्बे टमान जैसिन आदर्श नगरवासी अपन संरचना अपनही हटैले बटै, समाजमे सक्कु एक खाले व्यक्ति एकनासके नइरहठै, सडकके क्षेत्राधिकारसे भित्तर घर टहरा आखिरमे हटही परी, क्षेत्रीय शहरी विकास आयोजना अन्तर्गतके बनैना उ सडकके क्षेत्राधिकारसे भित्तर संरचना हटैनामे सहयोग करलेसे अपने ठाउँक विकास हुई । धनगढी उपमहानगरपालिकाके क्याम्पस रोडसे कालिका मन्दिरसमके मेन रोड चाकिर बनैना कहलपाछे करिब सक्कुहस घरधनी अपन संरचना अपनही भस्काके सहयोग करलै । ओम्ने एक्कल झुक्कल घर बाहेक सडकके क्षेत्राधिकारभिटर पर्ना सक्कुु हस संरचना हट सेकल ओेरसे निर्माणके कामफे तुरुन्त आघे बह्रैना जरुरी बा ।

जनाअवजको टिप्पणीहरू