कोरोना संक्रमणसे २ के मृत्यु

पहुरा समाचारदाता
धनगढी, २४ कार्तिक । कैलालीमे कोरोना संक्रमणसे आज बिहान २ जहनके मृत्यु हुइल बा । टीकापुर नगरपालिका–१ के ९० वर्षिय पुरुष ओ धनगढी उपमहानगरपालिका–२ के ८४ वर्षिय पुरुषके कोरोना संक्रमणसे मृत्यु हुइल हो ।

यिहे २० गते कोरोना पुष्टि हुइल टीकापुरके पुरुष होम आइसोलेसनमे बैठल रहिट । होम आइसोलेसनमे रहल बेला उहाँक मृत्यु हुइल टीकापुर नगरपालिकाके स्वास्थ्य शाखा प्रमुख बलबहादुर रावल जानकारी डेलैं ।

धनगढीके ८४ वर्षिय पुरुषमे भर कडा मेरिक निमोनिया डेखाइल रहे । शुकसे अस्थायी कोरोना अस्पतालके भेन्टिलेटरमे ढरके उपचार हुइटीरहल उहाँक आज बिहान मृत्यु हुइल सेती प्रादेशिक अस्पतालके सूचना अधिकारी दिलिप श्रेष्ठ बटैलै ।