थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

खै लर्कापर्कन्के लग खुराक ?

पहुरा | २७ कार्तिक २०७७, बिहीबार
खै लर्कापर्कन्के लग खुराक ?

डस्यासे पहिले थारु भासाके बालगीत ‘उक्रुङ बुक्रुङ’ के विमोचनसंगे उ गीतके भिडियो युट्यूवसे सार्वजनिक हुइल बा । इहि पहिला थारु गीत कहिके दावी कैगैल बा । इ पहिला थारु बाल गीतसे फेन थारु भासाके बालगीतके पहिला म्यूजिक भिडियो हुइ सेकि ।

                थारु गीतके प्रस्तोतन् साली, भाटुवाला गीतहे बह्रटा प्राथमिकता डेटि रहल बेला बालगीत ‘उक्रुङ बुक्रुङ’ लावा ओ मिठ पहुरा आइल बा । अस्रा करि यकर प्रस्तोता हमार म्युजिक बगिया परिवार ओ आउर प्रस्तोतन् फेन आब असिन गीतहे प्राथमिकता डिंहि ।

थारु भासम् जट्रा फेन गीत सिर्जटि बा, सलिमा बन्टि बा, पत्रपत्रिका निकरटि बा, ओम्ने लर्कापर्कनके लग खै खुराक ? कहिके सवाल करे पर्ना ढिला हो सेकल । अपन कोर्स फेन थारु लर्कापर्का अपन थारु भासम् पह्रे नै पाइ ठुइट । गीत, सलिमा लर्कन समाज, संस्कृति बुझैना बल्गर माध्यम हो । मने लर्कापर्कनके खिस्सा समोटल खुराक लन्नामे हमार बौद्धिक वर्गको ध्यान जाइ नै सेक्ठो ।

                संसारके उडाहरन हेर्ना हो कलेसे भर्खर ‘बेबी सार्क’ कना बालगीत युट्युबमा सबसे ढेर हेर गैल भिडियोके लावा रेकर्ड कायम कर्ले बा । साउथ कोरियाली कम्पनी ‘पिंकफङ’ गीतके रेकर्ड कर्लक हो । ७ अर्ब ५ करोडसे ढेर मनै इ भिडियो हेरसेक्ले बटाँ । लग्ढार ३ बरससे सबसे ढेर हेरगैलक गीत ‘डेस्पासितो’ रहे । यकर ७ अर्ब ४ करोड भ्युज बटिस ।

थारु भासाके बालगीत ‘उक्रुङ बुक्रुङ’ ६ मिनेट ३१ सेकेन्डके बा । संसारमे उढुम मचाइल ‘बेबी सार्क’ बालगीत जम्मा १ मिनेट ४५ सेकेन्डके बा । इहिसे लर्कापर्कनके लग टयार पारल गीत लम्मा हुइ परठ कना नै हो कना जनाइठ । ‘बेबी सार्क’के प्रस्तोतन्के कहाइ बटिन कि इ गीत नाचूँ नाचूँ लग्ना मेरिक रहल ओर्से ढेर जाने मन परैलाँ । थारु भासम् फेन लर्कापर्कन नचैना मेरिक गीत टयार पर्ना जरुरि बा । जिहिसे ओइने छोटहिसे अपन गीत, नाचमे मोहित हुइट ।

                ‘बेबी सार्क’ बालगीत १० बर्सक् कोरियाली–अमेरिकी गायक होप सिजोइन गैले बटाँ । अब्बे उ संसारके सब गायकहे पछार डेले बटाँ । थारु भासाके बालगीत ‘उक्रुङ बुक्रुङ’ के गायक मनिष थारु ओ अमृता चौधरी फेन गायक होप हस छोटे उमेरके बटाँ । आइ, ओइनके हौसला बह्राइ । भविस्यके नारायणगोपाल, तारादेवी ओइनहे बन्हि । होप (अस्रा) करि, गायक होपहस मनिष, अमृता आगे बह्रहिं । ओकर लग साली–भाटुन्मे किल लटपटाइल थारु प्रस्तोतन् बालगीतमे फेन लगानी करिंट ।

जनाअवजको टिप्पणीहरू