रानाथारु भाषाके उपन्यास ‘फगुनी’ ओ अर्धवार्षिक पत्रिका ‘सबेरो’ विमोचन
पहुरा समाचारदाता
धनगढी, २७ कार्तिक । रानाथारु भाषाके उपन्यास ‘फगुनी’ ओ अर्धबार्षिक पत्रिका ‘सबेरो’ के विमोचन हुइल बा ।
नेपाल रानाथारु समाजसे आयोजित डेवारीके शुभकामना आदानप्रदान कार्यक्रममे उ उपन्यास ओ पत्रिकाके विमोचन प्रतिनिधी सभा सदस्य नारदमुनि राना करल रहिट । विमोचन करटी उहाँ उपन्यास ओ पत्रिकासे राना थारु समुदायके लोक कला संस्कृति बचैनाके साथे पहिचान बचैनामे सहयोग पुगैना बटैलै । नेपाल रानाथारु समाजसे प्रकाशित उपन्यास ‘फगुनी’ के लेखिका पदम राना हुइटी ।
ओस्टके आगनबारी मिडिया प्रालिसे प्रकाशित अर्धवार्षिक पत्रिकाके ‘सबेरो’ प्रकाशक सम्पादक नन्दलाल राना रहल बाटै । प्रालिसे यिहीसे आघे रानाथारु डटकम ओ रानाथारु यूट्यूब च्यानल फेन सञ्चालनमे लन्ले बा ।
कार्यक्रमके खास पहुनामे सुदूरपश्चिम प्रदेशसभा सदस्य श्यामलाल राना, कृष्णपुर नगपालिकाके उपमेयर रमिता बडायक लगायत, समाजसेजवी, वुद्धिजिवीहुक्रनके सहभागिता रहल रहे ।
