थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १९ अगहन २६४६, सोम्मार ]
[ वि.सं १९ मंसिर २०७९, सोमबार ]
[ 05 Dec 2022, Monday ]

सुरक्षा मापदण्ड अपनाके डेवारी मनाई

पहुरा | २९ कार्तिक २०७७, शनिबार
सुरक्षा मापदण्ड अपनाके डेवारी मनाई

कोभिड–१९ के सङ्क्रमण दिनप्रतिदिन बह्रटी सङ्क्रमितके मृत्यु सङ्ख्याफे अप्रत्यासित रूपसे बृद्धि हुइटी रहलओरसे सतर्कतापूर्वक डेवारी स्थानीय स्तरमे मनाई पर्ना अब्बेक अवस्था बा । पर्व मेलामे हुइना जमघट, भेलासे कोरोना भाइरसके सङ्क्रमण आउर वृद्धि हुके उहीसे मानवीय क्षतिसमेत बह्रे सेक्ना ओरसे कोरोना भाइरसके सङ्क्रमणसे बच्न आवश्यक सावधानी अपनैना जरुरी रहल बा ।

जिल्ला प्रशासन कार्यालय कैलालीफे सूचना जारी करके स्वास्थ्य सुरक्षाके सक्कु मापदण्ड अपनाके डेवारी मनैना जिल्लावासीनहे आग्रह करटी दुसर आदेश नइहुइटसमके लाग स्थानीय प्रशासन ऐन, २०२८ ओ सङ्क्रामक रोग ऐन, २०२० बमोजिम निषेधाज्ञा जारी करले बा । प्रशासनके आदेशके उलङ्घन कैना वा आदेशके पालना कैना, करैना कार्यमे अवरोध करुइया जिहीहेफे जैसिनफे कानून बमोजिम कारबाही कहले बा । कोरोना भाइरसके सङ्क्रमण ओ मानवीय क्षतिसमेत बह्रे सेक्ना ओरसे डेवारीमे खेल्ना ढेउँसी, भैली, नाँचगान लगायत सामूहिक रुपमे उपस्थित हुके शुभकामना आदानप्रदान कैना कार्यमे रोक लगाइल बा ।

धार्मिक स्थलमे दैनिक नित्य, पूजाबाहेक सामूहिक रुपमे पूजाआजा लगायत मनैनके भीडभाड हुइना कार्यक्रम, गतिविधि लगायतमे रोक लगैटी चाडपर्व मनाईबेर सकभर जे जहाँ बा, उहे अनावश्यक जमघट नइकरके अपने परिवारके सदस्यबीच पर्व मनाई । जाँडडारु खाके होहल्ला कैना, शान्ति, सुरक्षामे खलल पुगैना, जुवातास खेल्न, पटाका पड्कैना, आतिसबाजी कैना, अनुमतिबिना विष्फोटक पदार्थ नन्ना जैसिन गतिविधिमे बन्द करी । जोखिमके समयमे पटका, आतिसबाजी, भुइचम्पा जैसिन विष्फोटक पदार्थ बिक्री वितरण करल, जुवा तास खेल्न ओ खेलैना कार्य करल पैलेसे प्रचलित कानून बमोजिम प्रशासन कारबाही कैना कहले बा ।

कोरोना भाइरसके कारण समग्र क्षेत्र असहज परिस्थितिसे गुज्रटी रहल ओरसे जिल्ला प्रशासन कार्यालयके आदेशके पालना करटी कोभिड रोकथाममे सहयोग पुगाई । असौ बाँचब कलेसे और साल रहरंगी कहटी मजासे टरटिहुवार मनैबी, मनाई पर्ना अवस्था बा कलेसे कोरोना भाइरसके सङ्क्रमणसे बच्न आवश्यक सावधानी अपनाई ।

जनाअवजको टिप्पणीहरू