विश्व एड्स दिसव अत्तरियामे जनचेतनामूलक रयाली
पहुरा समाचारदाता
अत्तरिया, १७ अगहन । विश्व एड्स दिवसके अवसरमे गोदावरी नगरपालिका जनचेतनामूलक ¥याली सहित टमान कार्यक्रम कैके मनैले बा । ‘एचआईभी नियन्त्रण तथा रोकथामके लाग विश्वव्यापी ऐक्यवद्धता तथा साझा जिम्मेवार’ नारा सहित विश्व एड्स दिवसके अवसरमे जनचेतनामूलक ¥याली निकारल हो ।
गोदावरी नगरपालिकाके स्वस्थ्य शाखा प्रमुख विरबहादुर कुवँर एचआईभी एड्सके न्यूनीकरणके लाग सबसे पहिले जनचेतना जगाइ पर्ना बटैलै । ¥यालीमे कर्मचारी, जनप्रतिनिधि, स्वंयमसेविका ओ स्थानीयके सहभागिता रहल रहे ।
डिसेम्बर १ मे विश्वभर टमान जनचेतनामूलक कार्यक्रम कैके एड्स दिवस मनैना करजाइठ् । एड्सके प्रभावकारी रोकथाम, हेरचाह, तथा उपचार सेवा सम्बन्धी जनचेतना जगैना उद्देश्यसे सन् १९८८ से विश्व एड्स दिवस मनाइ लागल हो ।
नेपालमे हालसम २९ हजार ५ सय ३ जनहनमे एचआईभी संक्रमण हुइल राष्ट्रिय एड्स तथा यौनरोग नियन्त्रण केन्द्र जनैले बा । उ मध्ये पुरुषके संख्या १७ हजार ५ सय ८७ ओ महिलाके संख्या ११ हजार ९ सय १६ रहल बा ।
ओस्टके १५ से ४९ बरस उमेर समूहके जनसंख्यामे एचआईभीके व्याप्तता दर शुन्य दशमलव १३ प्रतिशत रहल केन्द्र जनैले बा । ओस्टके नेपालमे करिब ८० प्रतिशत एचआईभी संक्रमण असुरक्षित यौन सम्पर्कके माध्यमसे सरल पाइल बा । एक वा उहीसे ढिउर एचआईभी सरे सेक्ना जोखिममे रहल समूहमे एचआईभी संक्रमणके दर ५ प्रतिशतसे ढिउर रहल मने सामान्य जनसंख्यामे एचआईभी संक्रमण दर १ प्रतिशतसे कम रहल केन्द्र जनैले बा ।
