थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ माघ २६४३, शनिच्चर ]
[ वि.सं ३ माघ २०७७, शनिबार ]
[ 16 Jan 2021, Saturday ]

लैङिक हिंसा विरुद्धके अभियानमे हमार जिम्मेवारी

पहुरा | १८ मंसिर २०७७, बिहीबार
  •  
  •  
  •  
  •  
  •  
  •  
  •  
  •  
लैङिक हिंसा विरुद्धके अभियानमे हमार जिम्मेवारी

‘लैङिक हिंसा अन्त्यके प्रतिवद्धताः व्यक्ति समाज ओ सक्कुहुनके ऐक्यवद्धता’ कना राष्ट्रिय नाराके साथ अब्बे लैङिक हिंसा विरुद्धके १६ दिने अभियान जारी बा । इहे क्रममे देशके सब क्षेत्रमे आ–आपन तौरतरिकासे लैङिक हिंसा विरुद्धके मेरमेरिक कार्यक्रम हुइटि बा । कोरोनाके कारन बहुट कार्यक्रम करे सेक्ना अवस्था नैहो ।

इहे क्रममे धनगढीमे लै·िक हिंसा विरुद्धके अभियानके उद्घाटनके क्रममे धनगढी उपमहानगरपालिकाके नगरप्रमुख नृपबहादुर वड कले रहिट, ‘लैङिक हिंसाके अन्त्य एकठो पक्षके सहभागिताहे केल सम्भव नइ हुई ओकर लाग तीनु पक्षसंगसंगे जाई परठ । सुदूरपश्चिम प्रदेशमे शिक्षा, चेतना ओ गरिबीके कारन महिलाउप्पर ढेर हिंसा हुइठ ।’ पछिल्का समय महिला हस पुरुष फेन हिंसा पीडित हुइटि रहल उहाँक कहाइ रहे ।

सुदूरपश्चिम प्रदेशमे शिक्षा, चेतना ओ गरिबीके कारन महिलाउप्पर ढेर हिंसा हुइठ कना नगरप्रमुख नृपबहादुर वडके कहाइहे मध्यनजर कर्ना हो कलेसे इ बाट ओट्रा तर्कपूर्ण नै लागठ । काजेकि शिक्षित रहल घरसे लेके सहरमे फेन महिला हिंसा कम नैहो । झन आजकल सामाजिक सन्जालके कारन अश्लिल सामाग्री पठैना लगायत मेरमेरिक प्रत्यक्ष अप्रत्यक्ष हिंसा हुइटि बा ।
इ अभियानके अर्थ लि·के आधारमे केक्रो उप्परफे हिंसा हुई नइ हुइक चाहि कना हो । चाहे उ महिला, पुरुष होए या तेश्रोलिंगी । विदेशके उडाहरन हेर्ना हो कलेसे लैङिक हिंसा विरुद्धके १६ दिने अभियान जारी रहल इहे बिचेम एक प्रतिष्ठित जापानी गायक मासाहिको कोन्डोहे उ संलग्न रहल संस्था निलम्बन कर्ले बा ।

भोजबियाहके बाद फेन डोसर महिलासे सम्बन्ध बनाइल आरोप लगैटि ५६ वर्षीय जापानी गायकहे गीत गैना कामेम् फेन रोक लगा गइल बा । नेपाली सिनेमा, संगितसे लेके थारु सिनेमा संगितमे लागल कुछ बेक्टिनके उडाहरन हेर्ना हो कलेसे ओइने क्षणिक रसरंगके लिए किल इ क्षेत्रमे लागल डेखजाइठ । अपन उप्पर हुइल गलत व्यवहारके खुलासा नै करल कारन रंगकर्ममे लागल टमान महिला पीडिट बटाँ । खोज्टि जैना हो कलेसे रंगकर्म किल नाहि अपन कार्यरत चाहेजौन कार्यालयमे महिला पीडित बटाँ । ओहेसे अपन उप्पर हुइल हिंसाके बारे समयमे बोलि । जान जानके किहु हिंसामे ना पारि । लै·िक हिंसा विरुद्धके अभियानमे हमार जिम्मेवारी इहे हो ।

जनाअवजको टिप्पणीहरू