स्नातक तहमे कानुन विषयके पठनपाठन

पहुरा समाचारदाता
धनगढी, १० फागुन । सुदूरपश्चिम प्रदेशमे पहिलचो स्नातक तहमे कानुन विषयके पठन पाठन हुइना हुइल बा ।

कैलाली बहुमुखी क्याम्पस धनगढीमे सुदूरपश्चिम विश्व विद्यालय मानविकी तथा समाजशास्त्र संकाय अन्तर्गत स्नातक तहमे सेमेष्टार प्रणालीमे पाँच बर्षे (दश सेमेष्टर) विएएलएलवि (कानून) विषयके पठनपाठन हुइना हुइल हो ।

क्याम्पससे शैक्षिक सत्र २०७७/०७८ मे लावा विद्यार्थी भर्नाके लाग संशोधित कार्यक्रमके लाग सुचना जारी करले बा । कैलाली बहुमुखी क्याम्पस सुदूरपश्चिममाञ्चल (सुप) विश्वविद्यालयके आंगिक क्यापसके रूपमे २०७७ माघ १३ गते समायोजन हुइल हो ।