महासंघके अघिवेशनमे दिनेश ओ नरेन्द्र निर्विरोध विजयी

पहुरा समाचारदाता
धनगढी, २२ चैत । नेपाल पत्रकार महासंघ कैलाली जिल्ला शाखाके २६ औं अधिवेशनमे सहसचिवमे दिनेश चौधरी ओ जनजाति सदस्यमे नरेन्द्र चौधरी निर्विरोध विजयी हुइल बाटैं ।

महासंघके यिहे २५ गते देशभर हुइना निर्वाचनके लाग अँट्वारके रोज उम्मेदवारी दर्ता कैसेकल पाछे दुनुजाने कैलाली शाखासे निर्विरोध विजयी हुइल हुइट ।

अधिवेशनके लाग कैलालीमे अध्यक्ष पदके लाग चार जानेक उम्मेदवारी दर्ता हुइल बा । ओस्टेक महिला सदस्यमे भावना जोशी ओ दलित सदस्यमे प्रिन्स विक विजयी हुइल बाटैं ।