स्थानीय तहके निर्वाचनमे सीमान्तकृत महिलाहुकने अर्थपूर्णके नेतृत्व विकास तालिम
पहुरा समाचारदाता
धनगढी, १३ सावन । अइना स्थानीय तहके निर्वाचनमे सीमान्तकृत महिलाहुकनके अर्थपूर्ण सहभागिताके लाग एक दिने नेतृत्व विकास सम्बन्धी तालिम बुधके रोज धनगढीमे सम्पन्न हुइल बा ।
संकल्प, शान्ति, न्याय र लोकतन्त्रका लागि समावेशी महिला संजाल सुदूरपश्चिम प्रदेशके आयोजनामे हुइल तालिम संकल्पके प्रदेश अध्यक्ष अम्बिका ताम्राकारके अध्यक्षतामे हुइल रहे । तालिममे संस्थाके सदस्य भगवती हमाल स्वागत तथा कार्यक्रमके उद्देश्यबारे जानकारी डेहल रहिट । तालिममे प्रदेश निर्वाचन कार्यालय धनगढीके प्रमुख प्रेमराज भट्ट प्रशिक्षण डेहल रहिट ।
उहाँ निर्वाचन प्रणाली, महिलाहे सहभागिताके अवस्था, नेतृत्वबारे, जानकारी डेहल रहिट । स्थानीय संग्गे उहाँ प्रदेश, प्रदेश ओ राष्ट्रिय सभा निर्वाचन प्रक्रियाबारे जानकारी डेहल रहिट ।
कार्यक्रममे सहजीकरण वेद अवस्थी ओ संचालन संस्थाके प्रदेश सचिव तारा चौधरी करल रहिट । तालिममे टमान राजनितिक दलमे आवद्ध महिला, यूवाहुकनके सहभागिता रहे ।
