खाजा नास्ता तालिम सुरु
पहुरा |
२४ चैत्र २०७७, मंगलवार
पहुरा समाचारदाता
हसुलिया, २४ चैत । कैलालीके कैलारी गाउँपालिका सुर्मीनालामे मंगरके रोजसे सात दिने खाजा नास्ता तालिम सुरु हुइल बा ।
किरण–नेपाल कैलालीके आयोजनामे सुरु हुइल तालिम उदघाटन कार्यक्रम कैलारी गाउँपालिका–३ के अध्यक्ष कैलाश चौधरीके वडका पहुनामे हुइल रहे ।
कार्यक्रममे रेष्ट कैलालीके अध्यक्ष रमेश चौधरी, कैलारी स्मार्ट समन्वय युवा क्लब अध्यक्ष ज्ञानबहादुर चौधरी, बसन्ता बहुउद्देश्यीय सहकारी सस्था लिमिटेडके व्यवस्थापक दुलीराम चौधरी पहुना रहिट ।
संस्थाके अध्यक्ष अमृत चन्द्र चौधरीके अध्यक्षतामे हुइल कार्यक्रमके संचालन दिनेश चौधरी “संगम” ओ स्वागत मन्तव्य हरिलाल चौधरी करले रहिट ।
तालिममे रुपा चौधरी प्रशिक्षण डेटी रहल बटै । चैत २४ से ३० गतेसम हुइना तालिममे ८ महिला ४ पुरुष करके १२ जाने सहभागी रहल बटै ।
