ललितपुर मेयर कप : सुदूरपश्चिम फाइनल प्रवेश

काठमाडौं, २५ चैत । सुदूरपश्चिम प्रदेश पहिल संस्करणके ललितपुर मेयर कप महिला ट्वान्टी–ट्वान्टी क्रिकेटके फाइनल प्रवेश करले बा ।

लिगमे चारमध्ये तीन खेलमे जित निकर्टी सुदूरपश्चिम फाइनलमे पुगल हो । सुदूरपश्चिमसे अब फाइनलमे एपीएफ क्लबसे खेल्ना बा । एपीएफ एक खेलअगावै फाइनल पुगसेकल बा । लिगमे ३ खेल खेलल एपीएफसे ६ अंक जोरल हो । सुदूरपश्चिमसे चार खेलसे ६ अंक जोरल रहे ।

बुधके हुइल खेलमे सुदूरपश्चिमसे लुम्बिनी प्रदेशहे ८ विकेटसे पराजित करल हो । त्रिवि क्रिकेट मैदानमे लुम्बिनीसे डेहल ७३ रनके लक्ष्य सुदूरपश्चिमसे १२ ओभर ३ बलमे २ विकेट गुमाके पूरा करल ।

सुदूरपश्चिमके जितमे मन्जु बोकटी सर्वाधिक २६ रन जोरली । विन्दु रावल १७ रनमे अविजित रहल रही । बलिङओर लुम्बिनीके लाग कृतिका मरासिनी २ विकेट लेहल रही । इहीसे आघे, टस जितके पहिले ब्याटिङ करल लुम्बिनी २० ओभरमे ९ विकेट गुमाके ७२ रन बनाइल रहे । लुम्बिनीके लाग लक्ष्मी चौधरी सर्वाधिक २६ रन बनाइल रही । ओस्टके, कप्तान नेरी थापा ११ रन जोरल रही ।

बलिङओर सुदूरपश्चिमके लाग लक्ष्मी साउद ४ विकेट लेहल रही । ऋतु कनौजिया ३ तथा सुनिता लुहर ओ कविता जोशी १÷१ विकेट लेहल रहिट ।