चैत २८ गते धनगढी दौरी
पहरा समाचारदाता
धनगढी, २६ चैत । धनगढी जेसिजसे आयोजना कैटी आइल ‘आब धनगढी दौरी’ धनगढी हाफ म्याराथुन २०२१ के तयारी अन्तिम चरणमे पुगल बा ।
हरेक बरस कैटी आइल उ कार्यक्रमबारे बिफेक रोज धनगढीमे पत्रकार सम्मेलन कैटी प्रतियोगिताके तयारी अन्तिम चरणमे पुगल जनाइल हो । ‘सेक्बो डौरो, नैसेक्बो नेंगो’ कना नारासहित २०७८ सालके पुर्वसन्ध्यामे चैत २८ गते नवजीवन धनगढी हाफ म्याराथनके तयारी अन्तिम ओर पुगल धनगढी जेसिजके अध्यक्ष कमलराज पनेरु बटैलै ।
म्याराथन ४ ठो विधामे रहलमे पहिल २१.१ किमि खुला दौड रहल बा । जेम्ने प्रथमहे नगद ५५ हजार पाँच सय ५५, द्वितीयहे ३३ हजार तीन सय ३३ ओ तृतीयहे २२ हजार दुई सय २२ नगद पुरस्कार रहल बा । ओस्टके डुसरा कर्पोरेट मिडिया ओरके ५ किमि दौडमे प्रथमहे पाँच हजार पाँच सय ५५, द्वितियहे तीन हजार तीन सय ३३ ओ तृतियहे दुई हजार दुई सय २२ नगद पुरस्कार राखल अध्यक्ष पनेरु जानकारी डेलै ।
ओस्टके महिला ओर ५ किमि दौडमे प्रथममे १५ हजार, द्वितीयहे १० हजार ओ तृतीयहे पाँच हजार पुरस्कार बा कलेसे चौथो बिधामे अपांगताहे ट्राइ साईकलमे फेन सहभागीहे पुरस्कृत करजैना जनाइल बा । प्रतियोगिताके नवजीवन सहकारी मुख्य प्रायोजक रहल बा । मुख्य प्रवर्द्धक धनगढी उपमहानगरपालिका, जेसिस इग्लिस बोर्डिङ, रेडक्रस कार्यालय धनगढी, कैलाली जिल्ला खेलकुद, रोयल सुज, एक्सिस स्कुल रहल बा । हस्पिटल पाटनरमे कैलाली हस्पिटल, निसर्ग हस्पिटल ओ माया मेट्रो हस्पिटल रहल उहाँ बटैलै । प्रतियोगिताके सहयोगीमे लक्ष्मी सहकारी, एभरेस्ट बैंक, सानिमा बैंक, पन्चकन्या ग्रुप, बिएसजी ट्रेड कन्सर्न रहल बटैलै ।
इ बरस सिजि कम्पनीसे सहभागी हुउइया मध्येसे एक भाग्यमानीहे गोलाप्रथासे सिजि कम्पनीके ४३ इन्चके एलईडी टिभी प्रदान कैना फेन अध्यक्ष पनेरु बटैलै । सहभागी हुउ चाहुइया जो कोइहे नगद २ सय शुल्कमे जेसीजसे उपलब्ध कराइल सहभागी फाराम भरे सेक्ना जनाइल बा । आघेक बरस कोरोना भाईरसके कारण हुइ सेकल नैरहे ।
