थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १७ असार २६४९, मंगर ]
[ वि.सं १७ असार २०८२, मंगलवार ]
[ 01 Jul 2025, Tuesday ]

बाजुरेली सेवा समाजसे टमान व्यक्तित्व सम्मानित

पहुरा | ५ बैशाख २०७८, आईतवार
बाजुरेली सेवा समाजसे टमान व्यक्तित्व सम्मानित

पहुरा समाचारदाता
धनगढी, ५ बैशाख ।
बाजुरेली सेवा समाजके १७ औ वार्षिक साधारण सभा तथा शुभकामना आदान–प्रदान कार्यक्रम धनगढीमे हुइल बा ।

कार्यक्रमके वडका पहुना सुदूरपश्चिम प्रदेशके आन्तरिक मामिला तथा कानुनी मन्त्री प्रकाशबहादुर शाह रहल रहिट । मन्त्री शाह प्रधानमन्त्री केपी शर्मा आलीसे भारतीय खुपिया एजेन्टिका प्रमुखसंगके भेटपाछे नेपालके राजनीति परिवर्तन रहल बटैले बटै ।

लोकतन्त्र बल्गर, संविधानके कार्यान्वयन हुके कानुनी राज्य स्थापित हुइना उहाँ अपेक्षा व्यक्त करलै । बाजुरा जस्टे पाछे परल क्षेत्र ओ भूगोल मुलधारमे अइना आवश्यक रहल समेत मन्त्री शाह बटैलै ।

गैल बर्ष नेपालके राजनीति गलत दिशामे गैल कहटी यी वर्ष ओसिन नइहुइना उहाँ विश्वास व्यक्त करलै । कार्यक्रममे टमान क्षेत्रमे काम कैना व्यक्तिहुकनहे सम्मानित करले बा । बाजुरा घर रहल हाल धनगढी रहिके टमान क्षेत्रमे काम कैना व्यक्तिहुकनहे सम्मान करल हो ।

सम्मानित हुइलमे कानुन व्यवसायी गंगाराम पाध्याय, पत्रकार हिमालय जोशी, युवाव्यवसायी महेन्द्रबहादुर सिहं, उद्योग व्यवसायी राजेन्द्र खत्री, स्वास्थ्यकर्मी दिपकबहादुर शाह, शिक्षा क्षेत्रमे नरेन्द्रबहादुर खाती, समाजसेवी दयाराम पाध्याय, भिबहादुर शाह, कुलबहादुर हमाल, सन्तोषी शर्मा, बाजुरेली भाषा तथा संस्कृति क्षेत्रमे गुडडु ओली, कलाकार लालबहादुर थापा लगायतहे सम्मानित करल हो । वडका पहुना मन्त्री शाहसे सम्मान पत्र तथा खादा ओढाके सम्मान करल हो ।

कार्यक्रममे समाजके पुर्व संस्थापक अध्यक्ष भीमबहादुर शाह, कुलबहादुर हमाल, सन्तोषी शर्मा, धनगढी उपमहानगरपालिका शिक्षा शाखाके प्रमुख उप–सचिव नरेन्द्र खाती, नेकपा एमाले बाजुरा जिल्ला कमिटि सचिवालय सदस्य रामबहादुर बानियाँ, अधिवक्ता गंगाराम पाध्याय, बझाङ समाज सेवा समाज समितिके कोषाध्यक्ष हृदय पुजारा, पत्रकार महासंघ कैलालीके अध्यक्ष हिमाल जोशी, अखिल नेपाल अनेरास्ववियुके केन्द्रिय सदस्य शंकर बहादुर शाही लगायत शुभकामना मन्तव्य व्यक्त करल हुइट ।

कार्यक्रममे सेवा समाजके अध्यक्ष चेतबहादुर थापा समाजके वार्षिक कार्यविधि प्रतिवेदन प्रस्तुत करल हुइट । सेवा समाजके कोषाध्यक्ष धुर्बहादुर सिंह समाजके आर्थिक प्रतिवेदन प्रस्तुत करल हुइट । सेवा समाजके उपाध्यक्ष बजिरसिंह धामी स्वागत करल कार्यक्रमके सञ्चालन समाज सेवाके सचिव रामन्द्र जोशी करल हुइट ।

जनाअवजको टिप्पणीहरू