थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०८ कुँवार २६४५, शुक्कर ]
[ वि.सं ८ आश्विन २०७८, शुक्रबार ]
[ 24 Sep 2021, Friday ]

सरकार १६ खर्ब ४७ अर्ब ५७ करोड रुपैयाँके बजेट नानल (पूर्णपाठसहित)

पहुरा | १५ जेष्ठ २०७८, शनिबार
सरकार १६ खर्ब ४७ अर्ब ५७ करोड रुपैयाँके बजेट नानल (पूर्णपाठसहित)

काठमाडौं, १५ जेठ । सरकार आगामी आर्थिक वर्ष २०७८÷७९ के लाग १६ खर्ब ४७ अर्ब ५७ करोड रुपैयाँके बजेट नन्ले बा ।

ण्अर्थमन्त्री विष्णुप्रसाद पौडेल आगामी आर्थिक वर्षके वार्षिक आयव्यय विवरण प्रस्तुत करटी अइसिन जानकारी करैलैं । सरकारसे चालु आर्थिक वर्षके तुलनामे १ खर्ब ७२ अर्ब ९३ करोड रुपैयाँ ढेर आकारके बजेट नन्ले बा । सरकार चालु आवमे १४ खर्ब ७४ अर्ब ६४ करोड रुपैयाँके बजेट कार्यान्वयन करटी बा ।

चालु खर्चसे अनुदानके रकम अलग

विगतमे संघसे स्थानीय तथा प्रदेशमे जैना रकमहे सरकारसे यी वर्ष भर बठ्याइपूर्वक छुट्यइल बा । टबेमारे चालु ओरके बजेट कम हुइल डेखाइल बा ।

आगामी आवमे सरकार चालुओर ६ खर्ब ७८ अर्ब ६१ करोड रुपैयाँ विनियोजन करले बा । चालु खर्चके रकम कम डेखैनामे तरेक सरकारहे जैना रकम यम्ने नैजोरना हो ।

आगामी आर्थिक वर्षमे पुँजीगत खर्चके लाग ३ खर्ब ४७ अर्ब २६ करोड रुपैयाँ विनियोजन करल बा । वित्तीय व्यवस्थाओर २ खर्ब ७ अर्ब ९७ करोड रुपैयाँ विनियोजन हुइल बा । तरेक तहमे जैना अनुदान भर ३ खर्ब ८६ अर्ब ७१ करोड रहल बा ।

राजस्वके लक्ष्य वृद्धि

सरकार आगामी आवमे राजस्व संकलनके लक्ष्यमे समेत वृद्धि करल बा । आगामी आवमे राजस्वसे १० खर्ब २४ अर्ब राजस्व संकलन हुइना लक्ष्य सरकार ढरले बा । यी वर्ष वैदेशिक अनुदानसे ६३ अर्ब प्राप्त हुइना लक्ष्य ढरल बा । विदेशी विकास साझेदारसे ३ खर्ब ९ अर्ब २९ करोड रुपैयाँ ऋण लेना हुइल बा ।

उहिनसे फेन अपुग हुइना रकम २ खर्ब ५० अर्ब आन्तरिक ऋण लेना अर्थमन्त्री विष्णु पौडेल जानकारी डेलैं । सरकार चालु आवमे राजस्वसे ८ खर्ब ८९ अर्ब ६२ करोड संकलन हुइना लक्ष्य ढरल बा ।

नयाँ संविधान बनसेकरलपाछे सरकारसे पहिलचो अध्यादेशमार्फत बजेट नानल बा । संसद विघटन करके मध्यावधि निर्वाचन घोषणा करल सरकारसे बजेटहे लोकप्रिय बनैना अधिकतम प्रयास करले बा ।

जेम्ने वृद्धभत्ता वृद्धिसे कर्मचारीके तलव वृद्धिसम समावेश हुइलबा । कोरोना महामारीसे अर्थतन्त्रमे परल प्रभाव न्यूनिकरण करटी स्वास्थ्य क्षेत्रमे उल्लेख्य बजेट विनियोजन करल सरकार सबसे भारी रकम भर शिक्षा क्षेत्रमे विनियोजन करले बा ।

बजेटके पूर्णपाठ

जनाअवजको टिप्पणीहरू