पञ्चायन स्तोत्र भजन भक्ती चिरायु माग्ने मागौँ पुस्तक विमोचन

पहुरा समाचारदाता
अछाम, १३ जेठ । पञ्चायन स्तोत्र भजन भक्ती चिरायु माग्ने मागौँ पुस्तक विमोचन हुइल बा ।

२०२० सालमे नाडा गाउँ पञ्चायतके पूर्व प्रधानपञ्च पूर्ण बहादुर शाहसे प्रकाशित, उहाँक छावा वरिष्ठ शिक्षासेवी लोकेन्द्र बहादुर शाहसे पुनः प्रकाशित ओ पुर्नलिखित उ पुस्तक अछामके तुर्माखाँद बजारमे विमोचन करल हो ।

नेपाल सरकारके पूर्व सचिव कृष्णहरि बास्कोटा, तुर्माखाँद गाउँपालिका अध्यक्ष डम्बर बिसि, उपाध्यक्ष बिमला शाही, लेखक लोकेन्द्र बहादुर शाह, शाहके धर्मपत्नी मन्जुदेवी शाह, छावा नमस्कार शाह लगायतसे उ पुस्तक विमोचन करल रहिट ।
कार्यक्रममे गाउँपालिकाके प्रमुख प्रशासकीय अधिकृत देवराज चौधरी, वडा नम्वर २ के वडाध्यक्ष नरेन्द्र बहादुर शाही, वडा नम्वर ३ के वडाध्यक्ष काँशिराम बुढा, वडा नम्वर ६ के वडाध्यक्ष टिकाराम जैशी, वडा नम्वर ७ के वडाध्यक्ष भीम बहादुर चलाउने, कार्यपालिका सदस्य दमन बहादुर घर्ती, बास नेपालके पूर्ब अध्यक्ष मन भण्डारी, प्रशासकीय अधिकृत शुद्ध चौधरी लगायतके उपस्थिती रहल रहे ।

कार्यक्रममे बागेश्वरी धार्मिक तथा पर्यटकीय क्षेत्र विकास समिती नागपर्वत नाडा अछाममे भगवती शाही स्मृती स्तम्भ निर्माण लगायतके कार्यमे सहयोग करके संस्थागत विकासमे अतुलनिय योगदान कैना नेपाल सरकारके पूर्व सचिव, राष्ट्रिय सूचना आयोगके पूर्व प्रमुख सूचना आयुक्त कृष्णहरि बास्कोटाहे सम्मान करल रहे । सम्मान पत्र प्रदान कैनाके साथे दोसल्ला ओढाके बास्कोटाहे सम्मान करल रहे । समितिके अध्यक्ष लोकेन्द्र बहादुर शाह, तुर्माखाँद गाउँपालिकाके अध्यक्ष डम्बर बहादुर बिसि, उपाध्यक्ष बिमला शाही लगायतसे बास्कोटाहे सम्मान प्रदान करल रहिट ।

बास नेपालके कार्यकारी निर्देशक नमस्कार शाह सञ्चालन करल कार्यक्रममे बागेश्वरी धार्मिक तथा पर्यटकीय क्षेत्र विकास समिती नागपर्वत नाडा अछामके अध्यक्ष लोकेन्द्र बहादुर शाह, नेपाल सरकारके पूर्व सचिव कृष्णहरि बास्कोटा मन्तव्य व्यक्त करल रहिट ।

पुस्तकमे का बा ?

२०२० सालमे धुर्ढाङ्टा नाडा गाउँपञ्चायतके पूर्व प्रधानपञ्च पूर्ण बहादुर शाह २०२० साल माघ १२ गते भारतके मथुरामे प्रकाशन करल उ पुस्तकहे उहाँक मन्झाला छावा लोकेन्द्र बहादुर शाह पुर्नलेखन करके प्रकाशन करल उ पुस्तक २६ पृष्ठके बा ।
पुस्तकमे पाञ्चायन स्तोत्र, श्री रामसिते स्तोत्र, कैलासपति पार्वती स्तोत्र, महाकाली स्तोत्र, श्री कृष्णराम भजन, श्री ईन्द्र स्तुति, श्री बागेश्वरी देवी स्तुति, श्री सूर्यनारायण भगवान् स्तुति, छाईक चार नैलेना, दुर्वाच्य नैबोल्न, कवि पूर्णके शरिरके ओ सक्कुहुनके भजन संग्रहित बटै । संस्कृतमे रहल उ भजन, कविता लेखक पूर्ण बहादुर शाहसे लिखित हुइट ।
पुर्नप्रकाशित उ कृतिमे शाहके छावा लोकेन्द्र बहादुर शाह स्वर्गिय पूर्ण बहादुर शाहके संक्षिप्त जीवनी ओ भोटेहुकनके लडाईं बारे विस्तृत विवरण नेपाली ओ संस्कृतमे उल्लेख करले बटै । यी पुस्तक ईतिहासमे रुचि राखुइयाके लाग उपयोगी रहल बा ।