सुदूरपश्चिममे बालविवाह अन्त्यके लाग रणनीतिक योजना बन्ना
बाल संरक्षण प्रणाली सुदृढीकरण ओ आगामी बजेटमे प्राथमिकता डेना प्रदेश सरकारके प्रतिबद्धता
पहुरा समाचारदाता
धनगढी, १३ जेठ । सुदूरपश्चिम प्रदेशहे आगामी आर्थिक वर्ष २०८३÷८४ भिटर बालविवाह मुक्त प्रदेश घोषणा कैना लक्ष्यसहित बालअधिकार तथा युवा अधिकारके क्षेत्रमे क्रियाशील टमान संस्था तथा सञ्जालसे प्रदेश सरकारके ध्यानाकर्षण करैले बटै ।
बालिका दुलही होइनन् नेपालके अध्यक्ष प्रकाश खतिवडाके नेतृत्वमे गैल प्रतिनिधिमण्डलसे सुदूरपश्चिम प्रदेश सभाके सामाजिक विकास मन्त्रालयके मन्त्री मेघराज खड्काहे ध्यानाकर्षण पत्र बुझैटी प्रदेशमे बह्रटी बालविवाह, बाल हिंसा, किशोरीहुकनके विद्यालय छोरना प्रवृत्ति तथा बाल संरक्षणके चुनौतीबारे गम्भीर चासो व्यक्त करल हो ।
ध्यानाकर्षण पत्रमे बालिका दुलही होइनन् नेपाल, युवालय, भिजनरी भ्वाइस नेपाल तथा सामाजिक विकासका लागि सचेत समाज लगायत संस्थासे संयुक्त रूपमे बालबालिका तथा युवाके अधिकार सुनिश्चित कैना स्थानीय तहसे प्रदेश तहसम प्रभावकारी नीति, योजना ओ बजेट आवश्यक रहल उल्लेख करले बटै ।
प्रतिनिधिमण्डलसे नेपालके संविधानसे बालबालिकाके हकहे मौलिक हकके रूपमे सुनिश्चित करल स्मरण करैटी बालमैत्री स्थानीय शासन, युवा मैत्री नीति तथा बाल संरक्षण प्रणालीहे अझ प्रभावकारी बनैना प्रदेश सरकारसे नेतृत्वदायी भूमिका खेलेपर्नामे जोड डेहल रहे ।
ध्यानाकर्षण पत्रमे विशेष करके विद्यालय छोरना किशोरीहुक्रे बालविवाहके उच्च जोखिममे रहल उल्लेख करटी ओइनहे विद्यालयमे टिकैटी रख्ना गुणस्तरीय शिक्षामे पहुँच विस्तार कैना माग करल बा । साथे बालविवाहमे परल बालिकाके संरक्षण, पुनःशिक्षा तथा तथ्यांक अद्यावधिक कैना समेत आग्रह करल बा । प्रतिनिधी मण्डलमे बालिका दुलही होइनन् नेपालके अध्यक्ष प्रकाश खतिवडा, युवालयका लेखा प्रमुख प्रमोद श्रेष्ठ, भिजनरी भ्वाइसके अध्यक्ष सन्तोष महर्जन, बालिका दुलही होइनन् नेपालके सचिवालय प्रबन्धक ईलावती केशी तथा सामाजिक विकासका लागि सचेत समाजके क्रिम चौधरीके सहभागिता रहल रहे ।
संस्थासे नेपाल सरकारसे सन् २०३० सम बालविवाह अन्त्य कैना दिगो विकास लक्ष्य प्राप्त कैना प्रदेश सरकारके सक्रिय नेतृत्व अपरिहार्य रहल बटाइल रहिट ।
ध्यानाकर्षण पत्र बुझ्टी मन्त्री मेघराज खड्का बाल संरक्षण तथा विशेष करके बालविवाह अन्त्य प्रदेश सरकारके प्राथमिकताके विषय रहल बटैलै । उहाँ बालविवाह अन्त्यके लाग प्रदेश स्तरमे रणनीतिक योजना निर्माण करके कार्यान्वयनमे ल्यन्ना विषयहे सकारात्मक रूपमे लेहल जानकारी डेलै ।
उहाँ आगामी बजेटमे बाल संरक्षण प्रणाली सुदृढीकरण, किशोरीके शिक्षा, बाल हिंसा न्यूनीकरण तथा बालविवाह अन्त्यके कार्यक्रमहे प्राथमिकतामे रख्न प्रतिबद्धता व्यक्त करलै ।
ओस्टेक करके सामाजिक विकास मन्त्रालयके सचिव डा. हेमराज रेग्मी फे सुदूरपश्चिम प्रदेशमे बालविवाह अन्त्यके लाग रणनीतिक योजना तयार करके कार्यान्वयनमे ल्यन्ना बटैलै । उहाँक अनुसार प्रदेश सरकार, स्थानीय तह, नागरिक समाज तथा बाल सञ्जालके सहकार्यमे बहुक्षेत्रीय अवधारणाअनुसार अभियान सञ्चालन कैना बटैलै ।
