इराकसँग नेपाल ६–२ से पराजित
काठमाडौं, १६ जेठ । इराक विरुद्धके मैत्रीपूर्ण खेलमे नेपाल ६–२ से पराजित हुइल बा । इराकके बसरास्थित अल फायना स्टेडियममे हुइल खेलमे पहिल हाफमे इराक ४–२ के अग्रता बनैले रहे कलेसे दोसर हाफमे २ गोल थपल ।
नेपालके लाग मनिस डाँगी राष्ट्रिय टिममे डेब्यु करटी गोल करलैं । मनिससँगे डिफेण्डर गौतम श्रेष्ठ पहिल रोजाइमे खेल्टी डेब्यु करले रहैं ।
कुवेती प्रशिक्षक अब्दुल्लाह अलमुताइरी नेपालके प्रशिक्षक बनलपाछे यी पहिल खेल हो ।
खेलके सातौं मिनेटमे अला अब्दुल जाहरा खासिन फ्रिकिकमे गोल करटी इराकहे अग्रता डिलैले रहैं । मने नवौं मिनेटमे नेपाल बराबरी गोल फर्काइल । नेपालके अन्जन विष्टके प्रहार बचैना क्रममे इराकके अहमेद इब्राहिम खलाफ आत्मघाती गोल करले रहैं ।
१४ औं मिनेटमे नेपाल अग्रता लेना अवसर गुमैले रहे । अन्जन विष्ट पेनाल्टी एरिया भित्तर गोलकिपरसँग वान भर्सेस वानमे गोल करे नैसेक्लैं । उहाँक प्रहार इराकी गोलकिपरले बचैलैं ।
२९ औं मिनेटमे मनिस डाँगी गोल करटी नेपालहे २–१ के अग्रता डिलैनैं । मनिस यिहे खेलमार्फत राष्ट्रिय टिममे डेब्यु करल हुइट ओ उहाँ डेब्यु खेलमे गोल करल हुइट ।
३९ औं मिनेटमे मोहम्मद अब्दुलजाहरा इराकके लाग बराबरी गोल फर्कैलैं । लगत्ते औरे मिनेटमे अयेन हुसेनगोल करटी इराकहे ३–१ के अग्रता डिलैनैं । पहिल हाफके इन्जुरी टाइममे अयमन हुसेन व्यक्तिगत दोसर गोल करटी इराकहे ४–२ के अग्रता डिलैनैं ।
६७ औं मिनेटमे मोहम्मेद रिदा एल एलायमी गोल करटी इराकहे ५–२ के अग्रता डिलैनैं । ७५ औं मिनेटमे सजाद जसमी अलसाराफी गोल करटी इराकहे ६–२ के अग्रता डिलैनैं ।
खेलमे नेपालके गोलकिपर कप्तान किरण चेम्जोङ कुछ मजा बचाउ समेत करले रहैं । नेपाली टोली आब विश्वकप छनोटके बाँकी ३ खेल खेले कुवेत जाइ ।
