मन्त्री सोडारीविरुद्ध जाहेरी दर्ता
धनगढी, २७ जेठ । सुदूरपश्चिम प्रदेशके भौतिक पूर्वाधार विकासमन्त्री दीर्घबहादुर सोडारीविरुद्ध प्रहरीमे जाहेरी दर्ता हुइल बा । नेकपा एमाले सुदूरपश्चिमके सचिव राजेन्द्र रावल सोडारीविद्ध जिल्ला प्रहरी कार्यालयमे बुधके रोज सार्वजनिक हित सुरक्षा, सुविधा हक तथा अभद्र व्यवहार कसुर शीर्षकमे मुद्दा दर्ता करल हुइँट् ।
जिल्ला प्रहरी कार्यालयके प्रवक्ता प्रहरी नायब उपरीक्षक प्रतीक विष्ट मन्त्री सोडारीविरुद्ध जाहेरी दर्ता हुइल पुष्टि करके अनुसन्धान प्रक्रिया आघे बह्राइल जानकारी डेलैं । सोडारी प्रदेश सचिव रावलउप्पर अपन कार्यकक्षमे सोम्मार साँझ हातपात करटी दुर्व्यवहार करल आरोप लगैले बटैं ।
उहाँ पार्टी सचिवके हैसियतमे मुख्यमन्त्री विरुद्धके अविश्वासके प्रस्तावके विपक्षमे मतदान करना निर्देशनात्मक पत्र बुझाइबेर मन्त्री सोडारी अपनउप्प्र हातपात करल बटैले बटैं ।
मन्त्रीके सचिवालय भर रावल मन्त्रीउप्पर दुर्व्यवहार करल बटैटी आइल बा । मन्त्री सोडारी नेकपा एमालेके माधव पक्षीय नेता हुइँट् कलेसे सचिव रावल ओली पक्षीय हुइँट् ।
