कार्तिक २ गते ढिक्रह्वा

पहुरा समाचारदाता
धनगढी, ३१ कुँवार । कैलाली ओ कञ्चनपुरके थारुहुक्रे असौंक डसैं कार्तिक २ गते ढिकरी पुज्टी ढिक्रहुवा मनैना हुइल बटै ।

इ साल कार्तिक १ ओ २ गते ९महाअष्टमी÷शुल्क अष्टमी० पर्लक ओरसे र्कािर्तक २ गते ढिक्रहुवा मनैना निर्णय करल हुइट । कैलालीके अधिकांश थारु बस्तीमे र्कािर्तक २ गते ढिक्रहुवा मनैना कहिके बरघर भलमन्सा समितिसे निर्णय फेन करगैल बा ।

धनगढी नगर भलमन्सा समितिके अध्यक्ष रोहित चौधरी फेन असौंक डसैंक ढिक्रहुवा कार्तिक २ गते मनैना निर्णय हुइल बटैलै । उहाँके अनुसार इ सालके डसैं कार्तिक १ गते पैनसटोपी ढोइना, कार्तिक २ गते ढिक्रहुवा, कार्तिक ३ गते पिट्ह्वा, कार्तिक ४ गते टीका लगाके डसैं मनैना निर्णय हुइल अध्यक्ष चौधरी बटैलै ।

लम्कीचुहा नगरपालिकाके बरघर भलमन्सा समिति फेन कुँवार २२ गते डसैं मनैना निर्णय कैटी इ सालके डसैंक ढिक्रहुवा कार्तिक २ गते रहल जनैले बा । अध्यक्ष दशराम थारुके अनुसार कुवाँर २६÷२७ गते जेउरा ढर्ना, कुँवार ३१ गते झोल झर्ना घर अंगना सफा कैना, कार्तिक १ गते पैन ढोइना, २ गते ढिक्रहुवा, ३ गते पिट्हुवा ओ ४ गते टीका ओ कार्तिक ५ गते नगर भल्मन्सा टीका लगैना निर्णय करल जनैलै ।
थारु बुद्धिजिीवी दिलबहादुर चौधरी फेन इ सालके डसैंक ढिक्रहुवा कार्तिक २ गते रहल बटैलै ।

उहाँ कार्तिक १ ओ २ गते अष्टमी परल ओरसे २ गते ढिक्रहुवा, ३ गते नवमीके डिन पिट्रहुवा ओ ४ गते विजया दशमीके रोज टीका लगाके डसैं मनैना बटैलै । उ

हाँ खास कैके थारु समुदायके अष्टमीके रोज ढिकरी पुज्ना, नवमीके डिन पितृ पुजा ओ बली डेना ओ दशमीके डिन टीका पर्ना हुइल ओरसे फेन कार्तिक २ गते इ सालके ढिक्रहुवा मनैना उचित रहल बटैलै ।
उहोँर कञ्चनपुरमे फेन र्कािर्तक २ गते ढिक्रहुवा मनैटी रहल पत्रकार लक्ष्मी चौधरी जानकारी डेली । कैलाली, कञ्चनपुर लगायत देउखरमे कार्तिक २ गते ढिक्रहुवा मनैटी रहल बेला दाङ ओ बर्दियामे भर कार्तिक १ गते ढिक्रहुवा मनैना हुइल बटै ।