थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०८ कुँवार २६४५, शुक्कर ]
[ वि.सं ८ आश्विन २०७८, शुक्रबार ]
[ 24 Sep 2021, Friday ]

जगनठ्या मर्वाके उद्घाटन

पहुरा | २८ जेष्ठ २०७८, शुक्रबार
जगनठ्या मर्वाके उद्घाटन

पहुरा समाचारदाता
बर्दिया, २८ जेठ
। थारु समुदायके धार्मिक स्थल तथा देउथान जगनठ्या मर्वाके उद्घाटन हुइल बा । राजापुर नगरपालिकाके वडा नम्बर २ मे पर्ना नयाँगाउँके जगनठ्या मर्वाके उद्घाटन युनिक नेपालके संस्थापक संरक्षक तथा पूर्वमन्त्री डा. गोपाल दहित करले रहिट ।

कार्यक्रममे प्रमुख अतिथि डा. गोपाल दहित जनप्रतिनिधिहुक्रे अन्य समुदायके धार्मिक स्थल निर्माणके लाग लाखौं बजेत छुट्यइलेसे फेन थारु समुदायके ठन्ह्वा निर्माणमे ध्यान नैगिल बटैलैं । उहाँ नयाँगाउँ पुरान थारु वस्ती रहलेसे फेन यहाँक् मर्वा फुसके ओ अस्थायी रहल ओरसे स्थायी रुपमे मर्वा निर्माणमे सहयोग करल जनैलैं । थारु समुदायके धार्मिक आस्थाके रुपमा रहल पवित्र स्थल मर्वाके स्थायी स्थलके लाग युनिक नेपाल यी कार्य करल उहाँ बटैलैं ।

यिहिनसे पहिले फेन युनिक नेपाल टमान ठाउँमे थारु ठन्ह्वाके निर्माण करसेकले बा । कौनो व्यक्तिके निजी जग्गामे नैरहिके यदि सार्वजनिक जग्गामे ठन्ह्वा बा ओ उ समुदायके माग बा कलेसे युनिक नेपाल उ ठन्ह्वा निर्माणमे सहयोग करना युनिक नेपालके अध्यक्ष प्रिमबहादुर थारु बटैलैं ।

कार्यक्रममे उपस्थित कुलापानी चौधरी मर्वा निर्माणमे महत्वपूर्ण योगदान करल कटि सक्कु घररेक ओरसे धन्यवाद व्यक्त करले रहैं । कार्यक्रम नयाँगाउँके बरघर रामकरण थारुके अध्यक्षतामे हुइल रहे । कार्यक्रमके संचालन युनिक नेपालके कार्यक्रम अधिकृत सोम डेमनडौरा करले रहैं ।

जनाअवजको टिप्पणीहरू