थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १० सावन २६४५, अत्वार ]
[ वि.सं १० श्रावण २०७८, आईतवार ]
[ 25 Jul 2021, Sunday ]

महामारीमे पालिकाके स्वास्थ्य सेवा सुधरल

पहुरा | ३० जेष्ठ २०७८, आईतवार
महामारीमे पालिकाके स्वास्थ्य सेवा सुधरल

सुखड, ३० जेठ । कैलालीके घोडाघोडी नगरपालिका कोरोना महामारीमे जनताके स्वास्थ्यमे गम्भीरताके साथ चास डेहल कटि नागरिक खुशी व्यक्त करनाके साथे स्थानीय सरकारके कामहे स्याबासी डेले बटैं ।

कोरोना महामारी नियन्त्रणके लाग जनचेतना अभिवृद्धि तथा स्वास्थ्यकर्मी परिचालनलगायत अन्य काममे सक्रियतापूर्वक लागल घोडाघोडी नगरपालिका अक्सिजनसहितके आइसोलेशन सञ्चालन करलेसे एमबीबीएस चिकित्सक नैहुके समस्यामे परल रहे । मने, अब्बे पालिकामे समस्या समाधान हुइलओरसे आइसोलेशनमे किल नैहुके पालिकासे अस्थायी कोरोना अस्पताल सञ्चालन करके नागरिक स्थानीय सरकार जनताके हुइल महसुस करल बटैले बटैं ।

कुछ दिनआघेसम चिकित्सक अभाव भोगल घोडाघोडी अब्बे जनताहे सहज तरिकासे स्वास्थ्य सेवा डेना क्रियाशील बा । एमबिबीएस डा टेकराज भट्टराई, २ स्टाफ नर्स ज्योति चौधरी ओ शिला चौधरी एवं हेल्थ असिस्टेन्ट शिशिर न्यौपानेसहितके टोलीसे यी महामारीमे डेखाइल सक्रियतासे कोरोनाके बिरामीके साथे आम नागरिकके मन जिटल ओरसे नागरिक स्वास्थ्यकर्मीसहित स्थानीय सरकारके प्रशंसा करे लागल बटैं ।

कोरोनाके लक्षण डेखाइल बिरामीके परीक्षण करना तथा सामान्य स्वास्थ्य उपचार करेक लाग समेत समस्या हुइना अवस्थामे रहल घोडाघोडीमे अब्बे पालिकासे सञ्चालन करल अस्थायी कोरोना अस्पतालमे कोरोना संक्रमित नियमित उपचार पाइटैं ।

अस्पतालमे अब्बे कोरोनाके सामान्य तथा अक्सिजन डेहेपरना बिरामीके निरन्तर उपचार हुइटीरहल डा भट्टराई जानकारी डेलैं । कोरोना लागल कलेसे उपचारके लाग सोझे धनगढी जाइपरना नागरिकके लाग गाउँघरमे चिकित्सक सहितके कोरोना अस्पताल सञ्चालन हुके सहज हुइल स्थानीय युवा कपिल सापकोटा बटैलैं ।

महामारीके बेला पालिका स्वास्थ्य क्षेत्रमे अपन ध्यान केन्द्रित करके काम करलेसे जनतामे स्थानीय सरकारप्रति विश्वास बह्रल सापकोटाके कहाइ बा । अब्बे पालिका हरेक वडामे स्वास्थ्य केन्द्र बनैना, हरेक समय आम नागरिक कोरोना परीक्षण करे पैना व्यवस्था तथा उपचारके व्यवस्था करल ओरसे आम नागरिकके स्थानीय सरकारप्रतिके विश्वास और बह्रल सापकोटाके तर्क बा ।

जनाअवजको टिप्पणीहरू