चैतन्य पाठशाला ओ कैलाली फुटवल संघविच १४ बरष टरेक वालबालिकाके फुटवल प्रतियोगिता संचालन सम्बन्धी सम्झौता
अगहन २५ गतेसे पुस ८ गतेसम प्रतियोगिता हुइना
पहुरा समाचारदाता
धनगढी, २७ कुवाँर । चैतन्य पाठशाला ओ कैलाली फुटवल संघविच १४ बरष टरेक वालबालिकाके फुटवल प्रतियोगिता संचालन सम्बन्धी सम्झौतापत्रमे हस्ताक्षर हुइल बा ।
अइना अगहन २५ गतेसे पुस ८ गतेसम धनगढी रंगशालामे सञ्चालन हुइना प्रतियोगिताके लाग सम्झौतापत्रमे हस्ताक्षर हुइल हो । फुटबल फर स्कूल ः रोड टु वल्र्ड कप नारासहित कैलाली जिल्ला फुटबल संघ ओ चैतन्य पाठशालाबीच १४ वर्षटरेक छात्रछात्राके जिल्लास्तरीय फुटबल प्रतियोगिता सञ्चालन करेक लाग सम्झौतापत्रमे हस्ताक्षर करल बा ।
बालबालिकामे फुटवल खेलप्रतिके रुचि अभिवृद्धि कैना, प्रतिभावान खेलाडीके पहिचान कैना तथा विद्यालयस्तरसे फुटबल खेलके विकास ओ प्रवद्र्धन कैना उद्देश्यसे प्रतियोगिता आयोजना करे लागल चैतन्य पाठशालाके अध्यक्ष गणेश प्रसाद जोशी बटैलै । प्रतियोगितामे छात्र ओ छात्राके १६÷१६ टिमके सहभागिता रना उहाँ जनैलै ।
हरेक टिममे अतिरिक्त खेलाडीसहित २० जाने ओ टिमके प्रशिक्षक, व्यवस्थापक तथा फिजोयो करके एक टिममे खेलाडीसहित २३ जाने रना बटै ।
प्रतियोगितामे ३२ टिमके अफिसियलसहित ७३६ जाने प्रत्यक्ष सहभागी रहिही कलेसे अन्य प्राविधिक ओ व्यवस्थापनओर करके ७५० जाने ढेर खेलाडी, अफिसियल ओ रेफ्रीहुकनके सहभागिता रना उहाँ जनैलै ।
प्रतियोगितामे पहिल हुइना टिमसे नगद एक लाख रुप्या ओ दुसरा हुइना टिमसे नगद ५० हजार रुप्या पुरस्कार प्राप्त करही । साथे विजेता तथा उपविजेता टिमहे ट्रफी, मेडल तथा प्रमाणपत्र प्रदान कैना बा ।
फुटबल फर स्कूल रोड टु वल्र्ड कप के अवधारणासे विद्यालयस्तरमे फुटवलके पहुँच विस्तार कैना, बालबालिकाके खेल प्रतिभा उजागर कैना ओ भविष्यके सक्षम खेलाडी उत्पादन कैना महत्वपूर्ण योगदान पुगैना अपेक्षा करल बा ।
कैलाली जिल्ला फुटबल संघ ओ चैतन्य पाठशालाबीचके यी सहकार्यसे जिल्लामे विद्यालयस्तरीय फुटबलके विकास तथा छात्रछात्राके खेल सहभागिता अभिवृद्धिमे थप टेवा पुग्न विश्वास लेहल बा ।
मंगर आयोजित कार्यक्रममे चैतन्य पाठशालाके ओरसे प्राचार्य प्रेमनिधि ओझा ओ कैलाली जिल्ला फुटबल संघके ओरसे अध्यक्ष अनिल मल्ल सम्झौता पत्रमे हस्ताक्षर करले बटै । कार्यक्रमके संचालन विद्यालयके निर्देशक कटकबहादुर सिंह करले रहिट ।
