नयाँ मोडालिटी बनाके कैलालीमे निषेधाज्ञा लम्ब्यइना

धनगढी, ३० जेठ । कैलालीमे नयाँ मोडालिटी बनाके निषेधाज्ञा लम्ब्यइना तयारी हुइटा । स्थानीय प्रशासन जेठ ३१ गतेपाछे पुनः निषेधाज्ञा लम्ब्यइना तयारी करल हो ।

जिल्ला प्रशासन कार्यालयके सूचना अधिकारी शिवराज जोशी असार पहिल सातासमके लाग निषेधाज्ञा लम्ब्यइना तयारी हुइल जनैलैं । निषेधाज्ञा खुकुलो बनइना नयाँ ढाँचा बनैना तयारी हुइटीरहल उहाँ कहलैं ।

विद्यालय लगायत शैक्षिक संस्था, सार्वजनिक यातायात, सभा÷गोष्ठी, सम्मेलन, सिनेमा हल, मठमन्दिर, पार्टी प्यालेसलगायत भीडभाडजन्य क्षेत्रमे रहल निषेधाज्ञाहे कायम करके बाँकीमे खुकुलो बनैटी लैजिना विषयमे छलफल हुइटीरहल जोशी जानकारी डेलैं ।

कैलालीमे अब्बे हप्ताके चार दिन पसल खुल्ला करल बा । प्रत्येक अँट्वार, मंगर, विफे ओ शनिच्चर बिहान ७ बजेसे विहान १० बजेसम तरकारी, फलफूल, खाद्यान्न, दूध डेरी, मासु, खानेपानी, ग्याँस पसल, किराना पसल ओ डिपार्टमेन्टल स्टोर खुल्ला हुइटी आइल बा ।