यी साता भार वर्षा हुइना, सजग रहन मौसमविद्के आग्रह
काठमाडौं, १ असार । जल तथा मौसम पूर्वानुमान शाखा नेपालमे मनसुन भित्रल ओरसे यी साता भार वर्षा हुइना कटि सचेत रहन आग्रह करले बा । भारतके झारखण्डमे वर्षा करैना न्यून चापीय प्रणालीके विकास हुइल ओरसे उहिनसे नेपालके पश्चिमी भागमे सरटि आइल ओरसे नेपालके पश्चिमी भागमे भारी वर्षा हुइ सेक्ना वरिष्ठ मौसमविद् बरुण पौडेल जानकारी डेलैं ।
उहाँ गण्डकी प्रदेश, कर्णाली प्रदेशके साथे पश्चिम तराई क्षेत्रमे भारी वर्षा हुइना हुइल ओरसे सचेत रहन आग्रह करलैं ।
अब्बे देशभर सामान्य से लेके पूर्ण बदली हुके गण्डकी, लुम्बिनी ओ सुदूरपश्चिम प्रदेशके कुछ ओ बाँकी प्रदेशके कमे स्थानमे हल्कासे लेके मध्यम वर्षा हुइटीरहल मौसम पूर्वानुमान शाखा जनैले बा । प्रदेश २ के थोरचे स्थानमे मेघ गर्जन ओ चट्याङ्ग सहित वर्षा हुइटा । आज दिनभर देशभर सामान्य से लेके पूर्ण बदली रहना ओ देशके धेर स्थानमे मेघ गर्जन ओ चट्याङसहित हल्का से लेके मध्यम वर्षा हुइ । प्रदेश २, बाग्मती प्रदेश, गण्डकी प्रदेश, लुम्बिनी प्रदेश तथा कर्णाली प्रदेशके कुछ स्थानमे भारी वर्षाके सम्भावना बा ।
चितवन भरतपुर, रामपुर ओ आसपासके क्षेत्रमे पछिल्का ६ घण्टामे भारी वर्षा मापन हुइल ओ थप वर्षा हुइना सम्भावना रहल ओरसे तटीय क्षेत्र ओ डुबान हुइना खाल्ह स्थानमे रहुइनाहे सतर्कता अपनैना बाढ पूर्वानुमान शाखा जनैले बा ।
यी क्षेत्रमे ढेर सावधानी अपनैना आग्रह
बाढी पूर्वानुमान शाखासे आज कोशी ओ यकर सहायक नदीमे बहाव सामान्य रहना नारायणी, कर्णाली ओ महाकाली जलधारके कुछ छोट ओ सहायक नदीमे क्षणिक वा मध्यम वर्षा हुके बहाव कुछ बह्रना हुइल ओरसे सर्तकता अपनैना कले बा ।
अस्टेक, कन्काई ओ यकर सहायक नदीमे बहाव सामान्य घटबढ हुइना । कमला, बागमती लगायतमे बहाव बह्रना । पूर्वी राप्ती, पश्चिम राप्ती, तिनाउ, बबईके छोट छोट नदी जलधारमे बहाव बह्रना ओ कुछमे सतर्कता तह पुगे सेक्ना पूर्वानुमान करल बा ।
अस्टेक, कालीगण्डकी, भेरी ओ यकर सहायक नदी जलाधार लगायत प्रदेश २ के बारा, पर्सा, रौतहट, बागमती प्रदेशके रसुवा, सिन्धुपाल्चोक, नुवाकोट, काठमाडौं, मकवानपुर, गण्डकी प्रदेशके गोरखा, लमजुङ, कास्की, पर्वत, बागलुङ, म्याग्दी, तनहुँ, स्याङ्जा, नवलपुर, लुम्बिनी प्रदेशके परासी, पाल्पा, कपिलबस्तु, अर्घाखाँची, गुल्मी, प्यूठान, दाङ, बाँके, बर्दिया, रुकुम क्षेत्रके नदीमे जलसतह ढेर बाढके पूर्वानुमान करल बा ।
अस्टेक, कर्णाली प्रदेशके सुर्खेत, सल्यान, दैलेख, जाजरकोट, सुदूरपश्चिम प्रदेशके कञ्चनपुर, कैलाली, डडेल्धुरा, डोटी, अछाम, बझाङ, दार्चुला ओ आसपास हुके बहना छोट नदी तथा जलधारमे बाढ अइना सम्भावना रहल ओरसे सचेत रहना आग्रह करल बा ।
