सेती अस्पताल प्रयोगशालामे परीक्षणमे ११ जहनमे कोरोना पुष्टि

धनगढी, ४ असार । धनगढीस्थित सेती प्रादेशिक अस्पतालके प्रयोगशालामे करल कोरोना परीक्षणमे थप ११ जहनमे कोरोना संक्रमण पुष्टि हुइल बा । २४ घण्टामे सेती प्रादेशिक अस्पतालके प्रयोगशालामे १८९ नमूना परीक्षण करलमे ११ जहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलैं ।
उहाँक अनुसार धनगढीके ६ जाने, धनगढीबाहेक कैलालीके ४ जाने ओ अन्य जिल्लाके १ जहनमे संक्रमण पुष्टि हुइल हो । हाल अस्पतालमे २१ जने कोरोना संक्रमितके उपचार हुइटीरहल सूचना अधिकारी श्रेष्ठ बटैलैं ।
जोनमध्ये १ जाने भेन्टिलेटर ११ जाने आइसियूमे, ८ जाने अक्सिजन सपोर्टमे उपचाररत बटैं कलेसे २ जहनमे अवस्था सामान्य रहल बा । पछिल्का २४ घण्टामे सेती अस्पतालमे १ जाने कोरोनामुक्त हुके घर लौटल बटैं कलेसे ४ जाने अस्पताल भर्ना हुइल बटैं । २४ घण्टामे अस्पतामे केक्रो फेन मृत्यु नैहुइल अस्पताल जनैले बा ।
