थप २,४४५ जनहनमे कोरोना संक्रमण
काठमाण्डौं, ४ साउन । पाछेक २४ घण्टामे थप २,४४५ जनहनमे कोरोना भाइरस संक्रमण पुष्टि हुइल बा ।
स्वास्थ्य तथा जनसंख्या मन्त्रालयके अनुसार ७,८३३ जनहनमे करल पीसीआर परीक्षणमे १,६४२ जाने ओ ३,८३१ जनहनमे करल एन्टिजेन परीक्षणमे ८०३ जाने कैके २,४४५ जनहनमे संक्रमण पुष्टि हुइल हो ।
पाछेक २४ घण्टामे कोरोना भाइरस संक्रमणमुक्त हुउइयाके संख्या १२५८ रहल बा कलेसे कोरोना संक्रमणसे ३२ जनहनके मृत्यु हुइल बा ।
स्वास्थ्य तथा जनसंख्या मन्त्रालयके अनुसार सबसे ढिउर काठमाडौंमे ३३०, सुनसरीमे १८४, कास्कीमे १६०, झापामे १२९ ओ मोरङमे १०२ जनहनमे कोरोना संक्रमण पुष्टि हुइल बा ।
ओस्टके भक्तपुरमे ८८, चितवनमे ७२, ललितपुरमे ५६, मकवानपुरमे ५३, नवलपरासी पुर्वमे ५१, धादिङमे ४४, रुपन्देहीमे ३६, नुवाकोटमे ३२ जनहनमे कोरोना संक्रमित थपल बाटै ।
कैलालीमे २८, गोरखामे २५, दोलखामे २१, धनुषामे १७, ओखलढुंगामे १५, कञ्चनपुरमे १३, गुल्मीमे १२, धनकुटा, स्याङजा ओ दाङमे ११÷११ जनहनमे कोरोना संक्रमण डेखल मन्त्रालय जनैले बा ।
ओस्टके १० बरस टरेक ४२ बालबालिकामे कोरोना संक्रमण पुष्टि हुइल बा कलेसे ११ से २० बरस उमेर समूहके १३५ जनहनमे कोरोना संक्रमण डेखल स्वास्थ्य तथा जनसंख्या मन्त्रालय जनैले बा ।
