डुनु मिर्गौला फेल हुइल चौधरीहे उपचारमे समस्या, सहयोगको अपिल

पहुरा समाचारदाता
धनगढी, २४ असोज । कैलालीको कैलारी गाउँपालिका–१ हरिनगर निवासी ३२ वर्षीय अनिल चौधरीके डुनु मिर्गौला फेल हुइलपाछे लम्मा समयसे उपचाररत रहल बटै । विगत एक बरससे डुनु मिर्गौलाले काम करे छोरलपाछे उहाँ नियमित रूपमे डायलाइसिस करैटी आइल बटै ।
उपचाररत चौधरीके स्वास्थ्य अवस्था जटिल बन्टी गैलपाछे २०८३ साल कुँवार १९ गतेसे सेती प्रादेशिक अस्पताल धनगढीमे उपचार हुइटी रहल उहाँके गोसिनीया निरु चौधरी जानकारी डेली । ओहकान उपचारके क्रममे अब्बे अस्पतालके सघन उपचार कक्ष (आईसीयू) मे समेत राखके उपचार हुइटी रहल उहाँ बटैली ।
लम्मा समयसे उपचार करैटी आइल चौधरीके उपचारमे आर्थिक समस्या डेखल बा । निरन्तर डायलाइसिस तथा अस्पतालमे उपचार कराइ पर्ना हुइल ओरसे परिवारहे आर्थिक भार परल बा । दुई बरस आघे किल भैयक मृत्यु हुइल ओ गैल जेठ ३ गते कामके सिलसिलामे भारतके रत्नागिरी गैल बेला बाबाके भारतमे मृत्यु हुइल ओ अब्बे घरमे कमुइया कोइ नैरहल ओरसे उपचारमे थप समस्या परल बा । घरमे कमुइया कोइ नैहुइल ओरसे अब्बे दुईठो छाइ ओ एक दुधे बालकके पालन पोषनमे समेत समस्या हुइल ओरसे ओहकान गोसिनीया निरु आर्थिक सहयोगके लाग याचना करले बटी ।
निरु इ कठिन परिस्थितिमे आपन गोसियक जीवनरक्षाके लाग सहयोगी मन हुइल व्यक्ति, संघसंस्था तथा देश–विदेशमे रहल नेपालीहे आर्थिक सहयोग कैडेना अपिल करले बटी । छोट सहयोगसे फेन उपचारमे ढेर राहत पुगे सेक्ना हुइल ओरसे सक्कु जनहनहे मानवीय सहयोगके लाग उहाँ आग्रह करले बटी ।
सहयोगके लाग विवरणः
बिरामीके नाउँ : अनिल चौधरी
ठेगाना : कैलारी गाउँपालिका‐१, हरिनगर कैलाली
सम्पर्क नम्बर : ९७१४५६२१६५
बैंकके नाउँ : कुमारी बैंक लिमिटेड, धनगढी शाखा
खाता नम्बर: ०७६०१५२५८१३००००१
गोसिनीया : निरु चौधरी