थप ४२ जनहनमे कोरोना पुष्टि

धनगढी, ५ सावन । धनगढीस्थित सेती प्रादेशिक अस्पतालके प्रयोगशालामे मंगरके करल परीक्षणमे ४२ जनहनमे कोरोना भाइरसके संक्रमण पुष्टि हुइल बा ।

सेती प्रादेशिक अस्पतालके प्रयोगशालामे ९७ नमूनाके परीक्षण करबर ४२ जनहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलै । ओस्टके ५५ जनहनके रिपोर्ट निगेटिभ आइल बा ।

हाल अस्पतालमे १७ जाने संक्रमित उपचाररत रहल बाटै । जौनमध्ये १ जाने संक्रमित आईसीयूमे उपचाररत रहल बाटै । ओस्टके पाछेक २४ घण्टामे ४ जाने संक्रमित चोखाके घर गैल बाटै कलेसे थप ५ बिरामी अस्पतालमे भर्ना हुइल बाटै ।