थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १० सावन २६४५, अत्वार ]
[ वि.सं १० श्रावण २०७८, आईतवार ]
[ 25 Jul 2021, Sunday ]

प्रदेश लोकसेवा आयोगके विज्ञापन खोल्ना तयारी

पहुरा | ५ श्रावण २०७८, मंगलवार
प्रदेश लोकसेवा आयोगके विज्ञापन खोल्ना तयारी

पहुरा समाचारदाता
धनगढी, ५ सावन ।
प्रदेश लोकसेवा आयोग सुदूरपश्चिम प्रदेश सुदूरपश्चिम प्रदेशमे रिक्त रहल पदके पदपूर्ति शुरु कैना तयारी करले बा ।

लोकसेवा आयोगके गठन होसेकलपाछे आवश्यक कानुनके निर्माण होसेकल ओरसे प्रदेश लोकसेवा आयोगले पदपूर्तिके प्रकृया आघे बह्रैना तयारी करल हो ।

‘आयोगहे काम कैना आवश्यक कानुन बनसेकल बावै । अब द्रुत गतिमे पदपूर्ति कब कैना कहिके हम्रे आतुर बाटी,’ प्रदेश लोकसेवा आयोगके सचिव दुर्गादत्त बिष्ट कहलै, ‘मुख्यमन्त्री तथा मन्त्रीपरिषदके कार्यालयसे रिक्त दरबन्दीके विवरण अइटी किल पदपुर्तिके काम आघे बह्राब ।’

सावन १५ गतेभिट्टर प्रदेशमे रहल रिक्त पदके विवरण उपलव्ध कराडेना लोकसेवा आयोगसे मुख्यमन्त्री तथा मन्त्रीपरिषदके कार्यालहे आग्रह करसेकल बा । सचिव बिष्टके अनुसार मागल समयमे जानकारी अइलेसे भदौ पहिल अँठ्वार बिज्ञापन कैसेक्ना लक्ष्यके साथ काम हुइटी रहल बा ।

जनाअवजको टिप्पणीहरू