थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १० सावन २६४५, अत्वार ]
[ वि.सं १० श्रावण २०७८, आईतवार ]
[ 25 Jul 2021, Sunday ]
‘ प्रधानमन्त्रीसँग महन्थ ठाकुर पक्षके माग... ’

संविधान संशोधन ओ रेशम चौधरीहे रिहा करो

पहुरा | ५ श्रावण २०७८, मंगलवार
संविधान संशोधन ओ रेशम चौधरीहे रिहा करो

काठमाडौं, ५ सावन । जनता समाजवादी पार्टी (जसपा)के महन्थ ठाकुर पक्ष संविधान संशोधन ओ रेशम चौधरी लगायतके नेता कार्यकर्ताके रिहाइके माग सम्बोधन करना सरकारके ध्यानाकर्षण करैले बा ।

३ सावनमे प्रधानमन्त्री शेरबहादुर देउवा प्रतिनिधिसभामे विश्वासके मत लेहेबेर ठाकुर पक्ष फेन मत डेले रहे । अपन माग सम्बोधन करना प्रतिबद्धता जनाइलओरसे प्रधानमन्त्रीहे विश्वासके मत डेहल कटि ठाकुर पक्षके कार्यकारिणी समिति बैठक कले बा, ‘मुद्दाके सम्बोधनार्थ प्रधानमन्त्रीहे ध्यानाकर्षण करैना ।’

यी पक्ष संविधान संशोधन, मुद्दा फिर्ता ओ कार्यकर्ताके रिहाइके साथे लाल आयोगके प्रतिवेदन सार्वजनिक करेपरना, नागरिकतासम्बन्धी समस्या समाधान करेपरना, स्थानीय तहके जनसंख्याके आधारमे पुनस्र्थापना करेपरना माग फेन आघे सरले बा । एक केन्द्रीय सदस्यके अनुसार बैठकमे नेताहुक्रे प्रधानमन्त्री देउवा मिलके काम करि कहलओरसे विश्वासके मत डेहल बटैले रहैं ।

आब सरकारमे जैना कि नैजैना कनामे भर नेताहुकनके फरक–फरक मत आइल बा । कुछ सरकारमे नैजैना मत ढरले बटैं कलेसे कुछलोग सरकारहे समर्थन करलओरसे जस अपजस बोलेपरना हुइल ओरसे सरकारमे जाइपरना मत ढरले बटैं । मने, सत्तारुढ काँग्रेस ओ प्रधानमन्त्रीसे कौनो प्रस्ताव नैआइल ओरसे यीबारे कौनो निर्णय नैहुइल एक नेता बटैलैं ।

कार्यकारिणी समितिके बैठकसे कुछ मुद्दा फिर्ता, नागरिकता अध्यादेश जारी, संविधान संशोधन कार्यदल गठन लगायतके लाग निवर्तमान प्रधानमन्त्री केपी शर्मा ओलीहे धन्यवाद डेले बा । साथे सब नेपालीहे निःशुल्क खोप व्यवस्था करना, आर्थिक राहत प्याजेक नन्ना तथा नेपाल भारत सीमामे सहज आवतजावतके प्रबन्ध मिलैना सरकारसँग माग करले बा ।

जनाअवजको टिप्पणीहरू