थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १० सावन २६४५, अत्वार ]
[ वि.सं १० श्रावण २०७८, आईतवार ]
[ 25 Jul 2021, Sunday ]

कोभिड प्रभावितके लाग पोषण स्वास्थ्य सामग्री हस्तान्तरण

पहुरा | ५ श्रावण २०७८, मंगलवार
कोभिड प्रभावितके लाग पोषण स्वास्थ्य सामग्री हस्तान्तरण

पहुरा समाचारदाता
हसुलिया, ५ सावन ।
दलित महिला अधिकार मंच नेपालसे कैलारी गाउँपालिकाके कोभिड प्रभावितहुकनके लाग पोषण स्वास्थ्य सामग्री हस्तान्तरण करले बा ।

डि.सी.ए.के सहयोगमे दलित महिला अधिकार मंच नेपालसे संचालित आधार परियोजना अन्र्तगत अति बिपन्न कोभिड प्रभावितहुकनके पोषण तथा स्वास्थ्यमे सुधारके साथे कोभिड जोखिम रोकथाम तथा नियन्त्रणमे सहयोग पुगे कना उद्घेश्यसे उ सामग्री हस्तान्तरण करल संस्थाके राजेन्द्र रैका जानकारी करैलै । ।

उ सामग्री एक कार्यक्रमके विच दलित महिला अधिकार मंच नेपालके रैका कैलारी गाउँपालिकाके उपाध्यक्ष लक्ष्मी सत्गौवा थारुहे हस्तान्तरण करले बटै । कार्यक्रममे कैलारी गाउँपालिकाके प्रवक्ता कमल प्रसाद चौधरी, प्रमुख प्रशासकीय अधिकृत खगेन्द्रराज जोशी, सामाजिक शाखा प्रमुख यगम कलेल ओ स्वास्थ्य शाखा प्रमुख बिरेन्द्र सापकोटा, दलित महिला अधिकार मंच नेपालके जनक भूल, भीष्म चौधरी लगायतके सहभागीता रहे ।

५० जाने कोभिड प्रभावितहुकनके लाग हस्तान्तरण करल पोषण स्वास्थ सामाग्रीमे पल्सअक्सोमिटर ५० पिस, थर्मामिटर ५० पिस, टिस्युपेपर ५० पिस, सेनिटरी प्याड १७ प्याकेट, सेनिटाईजर ५० पिस, टर्चलाईट ५० पिस, ग्लोब्स ४५ पिस, हर्लिक्स ५० पिस, काजु ५० पिस, राजमा ५० किलो, च्यवनप्रास ५० किलो, आलमोण्ड ५० प्याकेट, चिकेन सुप ५० प्याकेट रहल बा ।

जनाअवजको टिप्पणीहरू