भदौ महिनासम विज्ञापन खोल्न सुदूरपश्चिम प्रदेश लोकसेवा आयोगके तयारी
धनगढी, ६ सावन । प्रदेश लोकसेवा आयोग सुदूरपश्चिम प्रदेश सुदूरपश्चिम प्रदेशमे रिक्त रहल पदके पदपूर्ति सुरु करना तयारी करले बा ।
लोकसेवा आयोगके गठन हुइसेकलपाछे आवश्यक कानुनके निर्माण हुके प्रदेश लोकसेवा आयोग पदपूर्तिके प्रक्रिया आघे बह्रैना तयारी करल हो । ‘आयोगहे काम करना आवश्यक कानुन बनसेकल बा । द्रुत गतिमे पदपूर्ति कब करना कहिके हम्रे आतुर बटि,’ प्रदेश लोकसेवा आयोगके कार्यालय प्रमुख यज्ञराज बोहरा कलैं ‘मुख्यमन्त्री तथा मन्त्रीपरिषद्के कार्यालयसे रिक्त दरबन्दीके विवरण अइटिकिल पदपूर्तिके काम आघे बह्राब ।’
सावन १५ गतेभित्तर प्रदेशमे रहल रिक्त पदके विवरण उपलब्ध कराइक लाग लोकसेवा आयोग मुख्यमन्त्री तथा मन्त्रीपरिषद्के कार्यालयहे आग्रह करसेकले बा ।
प्रमुख बोहरा मागल समयमे जानकारी अइलेसे भदौ पहिल हप्तासम विज्ञापन करसेक्न लक्ष्यके साथ काम हुइटिरहल जानकारी डेलैं ।
