थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १० सावन २६४५, अत्वार ]
[ वि.सं १० श्रावण २०७८, आईतवार ]
[ 25 Jul 2021, Sunday ]

‘चोरी चोरी से’ मे नरेश ओ मधुके जोडी

पहुरा | ६ श्रावण २०७८, बुधबार
‘चोरी चोरी से’ मे नरेश ओ मधुके जोडी

काठमाडौं ६ साउन । ‘चोरी चोरी से’ बोलके थारु गीतके म्युजिक भिडियोके छायांकनके काम सम्पन्न हुइल बा ।

गीतकार किरण चौधरी ओ श्याम चौधरीके शब्द रचना तथा थारु, खस भाषाके चर्चित गायिका अन्नु चौधरी ओ थारु सङ्गीतके चर्चित गायक तथा सङ्गितकार श्रीनिवास चौधरीके गीतमे स्वर रहल बा । उ गीतमे श्याम चौधरीके संगीत ओ सङ्गीत समायोजन गणेश चौधरीके रहल बा ।

पाछेक समय मोडलिङ्ग क्षेत्रमे आपन नाउँ ओ कामहे बजनदार बनैटी गैल सुपर स्टार मोडल नरेश चौधरी छोट समयमे सक्कु दर्शकके मनमे बैठ्ना सफल मोडेल मधु चौधरी अभिनय करले बाटी ।

No description available.

उ म्युजिक भिडियोहे सेबिल ईन्टरटेन्टसे निर्माण करल हो । भिडियोके सक्कु छायांकन ललितपुरके टमान क्षेत्रमे करल बा । उ म्युजिक भिडियो सेबिल ईन्टरटेन्ट युट्यूब च्यानलसे सार्बजनिक कैना जनाइल बा ।

थारु, खस तथा अन्य भाषाके गीतमे आपन अब्बल प्रस्तुति डेसेकल नेपालके चर्चित कोरियोग्राफर तथा निर्देशक बिक्रम चौहानके निर्देशन रहल बा । ओस्टके हाल अमेरिकामे बसोबास कैटी आइल थारु सङ्गीतहे माया करुइया लोकेन्द्र राज चौधरी निर्माता रहल बाटै ।

म्युजिक भिडियोहे हाली सार्बजनिक कैना उद्देश्यके साथ छायांकन ओराइल संगे सम्पादनके कार्य धमाधम हुइटी रहल जनाइल बा ।

जनाअवजको टिप्पणीहरू