टमान स्थानमे भारी वर्षा, सतर्क रहना अनुरोध

काठमाडौं, ७ सावन । मनसुनके न्यून चापिय रेखा नेपालके तराई भू–भाग लग्गे रहल बा । हाल देशभर सामान्यसे पूर्ण बदली रहिके प्रदेश १, प्रदेश २, बागमती, गण्डकी, लुम्बिनी ओ सुदूरपश्चिम प्रदेशके कुछ स्थानमे तथा बाँकी प्रदेशके कम स्थानमे हल्कासे मध्यम वर्षा हुइटा ।

मौसम पूर्वानुमान महाशाखाके अनुसार आज दिनके देशभर सामान्यसे पूर्ण बदली रहिके टमान स्थानमे हल्कासे मध्यम वर्षाके सम्भावना रहल बा । गण्डकी, लुम्बिनी तथा सुदूरपश्चिम प्रदेशके एक–दुई स्थानमे भारी वर्षाके सम्भावना बा । अस्टेक, रातके गण्डकी ओ बागमती प्रदेशके एक–दुई स्थानमे भारी वर्षाके सम्भावना रहल बा ।

‘गण्डकी, लुम्बिनी तथा सुदूरपश्चचिम प्रदेशके एक–दुई स्थानमे भारी वर्षाके सम्भावना रहल ओरसे पहाडी भू–भागमे भू–क्षय, पहिरो तथा गेग्रान बहावके जोखिम रहनाके साथे नदीनाला तथा खहरे खोलामे पानीके सतह बह्रे सेक्ना तथा दैनिक जीवन÷यातायात क्षेत्र प्रभावित हुइ सेक्ना हुइल ओरसे आवश्यक सतर्कता अपनैना अनुरोध करल बा,’ आगामी २४ घण्टाके लाग चेतावनी डेटि महाशाखाके बुलेटिनमे उल्लेख बा ।