स्कारपियो दुर्घटनामे ७ घाहिल

पहुरा समाचारदाता
धनगढी, १० सावन । कैलालीमे स्कारपियो दुर्घटना हुइल बा । पूर्व–पश्चिम राजमार्ग अन्तर्गत जिल्लाके घोडाघोडी नगरपालिका–१० पहलमापुरमे शनिच्चर रात साढे ८ बजे ना अ प खा ९७४ नम्बरके स्कारपियो दुर्घटना हुइल प्रहरी जनैले बा ।

छाडा चौपाया बचाइ खोजेबर स्कारपियो अनियन्त्रित होके दुर्घटना हुइल बटाइल बा । दुर्टनामे चालकसहित स्कारपियोमे सवार ७ जाने घाहिल हुइल ओ ३ जनहनके अवस्था गम्भीर रहल जिल्ला प्रहरी कार्यालय कैलाली जनैले बा ।

प्रहरीके अनुसार गम्भीर घाहिल हुउइयामे चालक धनगढी उपमहानगरपालिका–१२, मनहेराके ३५ वर्षिय धनराम चौधरी, ३० वर्षिय तुलसी राना ओ २७ वर्षिय राजकुमार चौधरी रहल बाटै । राजकुमारके कोहलपुर मेडिकल कलेजमे उपचार हुइटी रहल बा कलेसे चालकसहित दुई जनहनके धनगढीस्थित सीपी हस्पिटलमे उपचार हुइटी रहल बा ।