एमाले कर्णालीके ४ चार सांसद पदमुक्त

काठमाडौं, १८ सावन । कर्णालीके चार एमाले सांसद पदमुक्त हुइल बटैं । पदमुक्त हुइना सांसदमे प्रकाश ज्वाला, अम्मरबहादुर थापा, कुर्मराज शाही ओ नन्दसिंह बुढा बटैं ।

प्रधानन्यायाधीश चोलेन्द्रशम्शेर जबरा ओ न्यायाधीश प्रकाशकुमार ढुंगानाके इजलाससे केपी शर्मा ओलीसे डेहल भ्याकेट निवेदनमे सुनुवाइ करटि यीआघेक अन्तरिम आदेश खारेज करल हो ।यीसँगे कर्णाली एमालेके चार सांसद पदमुक्त हुइल हुइँट् ।

यीआघे सर्वोच्च अदालत माओवादीसे मुख्यमन्त्री बनल महेन्द्रबहादुर शाहीहे एमालेके ह्वीप उल्लंघन करके विश्वासके मत डेना चार सांसदहे दसौं महाधिवेशन आयोजक कमिटीसे कारबाही करे नैसेक्ना कना अन्तरिम आदेश जारी करल रहे ।