कोरोना संक्रमित एकके मृत्यु

पहुरा समाचारदाता
धनगढी, २२ भदौ । सेती प्रादेशिक अस्पतालमे उपचाररत एक कोरोना संक्रमित पुरुषके मृत्यु हुइल बा । कञ्चनपुरके भीमदत्त नगरपालिका–१६ के ६० बर्षीय पुरुषके मृत्यु हुइल सेती प्रादेशिक अस्पतालके सुचना अधिकारी दिलीप कुमार श्रेष्ठ जानकारी डेलै ।

भेन्टीलेटरमे उपचाररत ओहकान सकारे ६ः१५ बजे मृत्यु हुइल अस्पताल जनैले बा । ओस्टके मंगरके थप १५ जनहनमे कोरोना संक्रमण पुष्टि हुइल बा ।

११६ जनहनके नमुना परिक्षण करेबर १५ जनहनमे कोरोना संक्रमण डेखल हो । हाल अस्पतालमे १७ जाने कोरोना संक्रमितके उपचार हुयटी रहल अस्पताल जनैले बा ।