थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १६ चैत २६४७, शुक्कर ]
[ वि.सं १६ चैत्र २०८०, शुक्रबार ]
[ 29 Mar 2024, Friday ]

नेपाल ओ भारतबीचके मैत्रीपूर्ण खेल १–१ के बराबरीमे

पहुरा | १७ भाद्र २०७८, बिहीबार
नेपाल ओ भारतबीचके मैत्रीपूर्ण खेल १–१ के बराबरीमे

काठमाडौं, १७ भदौं । सुरुवाती अग्रता जोगाइ नैसेक ओरसे अन्तर्राष्ट्रिय मैत्रीपूर्ण खेलमे नेपाल भारतसंग १–१ के बराबरीमे रुकल बा ।

दशरथ रंगशालामे अन्जन विष्ट पहिल हाफमे गोल करटि नेपालहे अग्रता दिलैले रहैं । दोसर हाफमे भारतके लाग अनिरुध थापा बराबरी गोल लौटैलैं ।

नेपाल ओ भारतबीच सन् २०१७ मे मुम्बईमे पछिल्का मैत्रीपूर्ण खेलमे नेपाल २–० से पराजित हुइल रहे । दशरथ रंगशालामे भर सन् २०१५ पाछे यी दुई टोली पहिलचो खेलल हुइट । ३६ औं मिनेटमे अन्जन विष्ट गोल करके नेपालहे अग्रता दिलैनैं ।

भारतीय डिफेन्डर चिन्ग्लेनसाना सिंह कोनसाम गोलकिपरहे ब्याक पास डेहल बल गोलकिपर गुरप्रित सिंह सन्धु क्लियर करे नैसेकलपाछे अन्जन उहाँहे छलाके गोल करले रहैं ।

उआघे ३२ औं मिनेटमे नेपाल पेनाल्टी एरिया बाहेर फ्रिकिक पैले रहे । ओम्ने अन्जन विष्टके प्रहार पोष्टके उप्परसे बाहिरल रहे ।

पहिल हाफमे पाछे परल भारत दोसर हाफमे चार खेलाडी परिवर्तन करले रहे । ५० औं मिनेटमे अनिरुध थापाके फ्रिकिकमे कप्तान सुनील क्षेत्री पोष्ट लग्गसे प्रहार करल बल नेपालके गोलकिपर किरण बचैले रहैं ।

६० औं मिनेटमे भारतके वैकल्पिक खेलाडी अनिरुध थापा गोल करके खेल बराबरी करलैं । कप्तान सुनील क्षेत्री करिब २० यार्ड डुरसे करल शक्तिशाली प्रहार नेपालके गोलकिपर किरण चेम्जोङ डाइभ करटि बचैलेसे फेन पूर्ण रुपमे क्लियर नैहुइलपाछे अनिरुद गोललाइनसे जाली चुमैलैं ।

अनिरुध दोसर हाफके सुरुमे ब्रान्डन फर्नान्डेजके स्थानमे मैदान प्रवेश करले रहैं ।

६५ औं मिनेटमे नेपाल तीन खेलाडी परिवर्तन करके मनिस डाँगी, सुनिल बल ओ विशाल राई मैदान प्रवेश करैले रहे । मनिष नवयुगके स्थानमे, सुनील आयुष घलान ओ विशाल सुमन लामाके स्थानमे मैदान प्रवेश करले रहैं ।

८३ औं मिनेटमे भारतके मनविर सिंह पेनाल्टी एरिया भित्तरसे प्रहार करल बल गोलपोष्टके दिशा लेहे नैसेकल । इन्जुरी टाइममे सुमन अर्यालके पासमे मनिष डाँगीके हेडर पोष्ट लग्गेसे बाहिरल रहे । नेपाल ओ भारतबीच औरे खेल अँट्वारके हुइ ।

जनाअवजको टिप्पणीहरू