थप १२७१ जनहनमे कोरोना संक्रमण, १८४५ जाने संक्रमणमुक्त
काठमाडौं, २४ भदौ । पाछेक २४ घण्टामे थप १२७१ जनहनमे कोरोना भाइरस संक्रमण पुष्टि हुइल बा ।
स्वास्थ्य तथा जनसंख्या मन्त्रालयके अनुसार ८ हजार ९ पीसीआर परीक्षणमे १०५८ ओ ३०४६ एन्टिजेन परीक्षणमे २१३ जाने सहित १२७१ जनहनमे संक्रमण पुष्टि हुइल हो ।
पाछेक २४ घण्टामे संक्रमणमुक्त हुउइयाके संख्या १८४५ रहल बा कलेसे कोरोना संक्रमणसे १४ जनहनके मृत्यु हुइल बा । बिफेक रोज थपलसंगे नेपालमे कोरोना संक्रमितके कुल संख्या ७ लाख ७४ हजार ५८७ पुगल बा । उ मध्ये १० हजार ९०३ जनहनके मृत्यु हुइल बा कलेसे ७ लाख ३५ हजार ६ जाने संक्रमणमुक्त रहल बाटै ।
मन्त्रालयके अनुसार हाल देशभर सक्रिय संक्रमितके संख्या २८ हजार ६७८ जाने रहल बाटै । जौनमध्ये २६ हजार ८६ जाने होम आइसोलेसनमे रहल बाटै कलेसे १ हजार ७९२ जाने संस्थागत आइसोलेसनमे रहल बाटै । कोरोनाके बिरामीमध्ये ४५ जाने आईसीयू ओ १३९ जाने भेन्टिलेटरमे उपचाररत् रहल बाटै ।
ओस्टके १० टरेक ३२ बालबालिकामे कोरोना संक्रमण पुष्टि हुइल बा कलेसे ११ से २० बरस उमेर समूहके १०५ जनहनके कोरोना संक्रमण डेखगैल मन्त्रालय जनैले बा ।
स्वास्थ्य तथा जनसंख्या मन्त्रालयके अनुसार सबसे ढिउर काठमाडौंमे ३२९ जनहनमे कोरोना संक्रमण पुष्टि हुइल बा ।
ओस्टके मोरङमे ७७, झापामे ७६, सुनसरीमे ७५, ललितपुरमे ६७, कास्कीमे ५२ जनहनमे कोरोना संक्रमण डेखल बा कलेसे चितवनमे ४०, भक्तपुरमे ३७, रुपन्देहीमे ३०, कैलालीमे २४ जनहनमे कोरोना संक्रमण पुष्टि हुइल बा ।
मकवानपुरमे १६, सिरहा ओ गोरखामे १३/१३ जाने, सुर्खेतमे १२, नवलपरासी पुर्वमे ११ ओ बागलुङ ओ बाँकेमे १०÷१० जाने कोरोना संक्रमित थपल स्वास्थ्य तथा जनसंख्या मन्त्रालय जनैले बा ।
