थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०८ कुँवार २६४५, शुक्कर ]
[ वि.सं ८ आश्विन २०७८, शुक्रबार ]
[ 24 Sep 2021, Friday ]

पत्रकार हुँ कहटी मोवाइल पसलसे रकम असुल करुइया २ जे पक्राउ

पहुरा | २४ भाद्र २०७८, बिहीबार
पत्रकार हुँ कहटी मोवाइल पसलसे रकम असुल करुइया २ जे पक्राउ

धनगढी, २४ भदौ । कञ्चनपुरमे गोसिनीयके नाउँमे मोबाइल पसल दर्ता करे नइपैना कहटी २५ हजार रुपैयाँ असुली करल आरोपमे प्रहरी दुई जनहनहे पक्राउ करले बा ।

महेन्द्रनगर बजारस्थित गल्ली नम्बर ४ मे सञ्चालनमे रहल साई मोबाइल केयरके सञ्चालक अवदेश श्रीवास्तवसंग रकम असुली करल आरोपमे नाइस टेलिभिजनके पत्रकार बटुइया गोबिन्द बिसी ओ सन्तोष भट्टहे पक्राउ करल प्रहरी जनैले बा ।

बुधके रोज पसलमे पुगके गोसिनीयक नाउँमे पसल दर्ता करके सञ्चालन करे नइपैना कहटी रकम असुलल मौखिक जानकारीके आधारमे बिसी ओ भट्टहे पक्राउ करके अनुसन्धान हुइटी रहल जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) सिद्धराज न्यौपाने जानकारी डेलै ।

प्रहरीके अनुसार सुरुमे ओइने पसल सिज करडेना कहिके धम्क्यइटी दुई लाख रुपैयाँ माग करलमे पाछे २५ हजार रुप्या ओ दुई ठो मोबाइल पावर बैँक लैगिल रहिट ।

ओइने रकम लेटी करल सीसीटीभी फुटेजफे सार्वजनिक हुइल बा । भारतीय नागरिक श्रीवास्तवसे कैलालीके घोडाघोडीकी एक महिलासे भोज करले रहिट । उहाँ गोसिनीयाके नाउँमे मोबाइल पसल दर्ता करके सञ्चालन करले बटै ।

जनाअवजको टिप्पणीहरू