थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०८ कुँवार २६४५, शुक्कर ]
[ वि.सं ८ आश्विन २०७८, शुक्रबार ]
[ 24 Sep 2021, Friday ]

गौरीगंगामे तालाबन्दी अभिन नैखुलल

पहुरा | २९ भाद्र २०७८, मंगलवार
गौरीगंगामे तालाबन्दी अभिन नैखुलल

पहुरा समाचारदाता
मसुरिया, २९ भदौ ।
कैलालीके गौरीगंगा नगरपालिकामे करल तालाबन्दी मंगरके रोज फेन खुलल नैहो । पाँच दलीय गठबन्धन नगरपालिकाहे बुझाइल ६ बुँदे मागके बेवास्ता करल कटि तालाबन्दी करल रहे ।

नदीजन्य पदार्थ बिक्रीसे हुइल आम्दानीके हिसाब माग, विद्यालयमे विषयगत शिक्षक पदपूर्ति करना, नगरपालिकाके बेरुजु फछ्र्यौट करेपरना लगायतके माग ढरल बा ।

राजनीति दलसे आर्थिक पारदर्शिताके माग सहित बुझाइल ज्ञापनपत्र नगरप्रमुख भीमबहादुर देउवा बेवास्ता करल नेपाली काँग्रेसके क्षेत्रीय सभापति दिनेशराज जोशी बटैलैं । मागके नगरपालिकासे आधिकारिक रुपमे सम्बोधन करना प्रतिबद्धता सहित छलफलके प्रक्रिया नैहुइटसम तालाबन्दी यथावत रहना जोशी बटैलैं ।

सोम्मारसे तालाबन्दी करलेसे फेन तालाबन्दी खोल्न ओ समस्या समाधान करना नगरसे पहल नैहुइल राजनीतिक दकहेक्रे बटैले बटैं ।

नगरप्रमुख देउवा भर वार्ताके प्रयास करल ओ छलफल करके नगरपालिकाके काम सुरु करैनामे गम्भीर रहल बटैले बटैं । दलहे छलफलके लाग औपचारिक आवाहान करना अपने तयार रहल ओ मंगरके रोजे समस्याके समाधान हुइना बटैले बटैं ।

No description available.

जनाअवजको टिप्पणीहरू