विङ्गर ओ मोटरसाइकल टकराके १२ घाहिल

पहुरा समाचारदाता
धनगढी, २६ कुँवार । धनगढीसे छुटल विङ्गर ओ मोटरसाइकल एकआपसमे टकराके १२ जाने घाहिल हुइल बाटै । पूर्वपश्चिम राजमार्गअन्र्तगत कैलालीके गौरीगंगा नगरपालिका वडा नम्बर ४ राजीपुरमे से १ ज ११०५ नम्बरके विङ्गर से ६ प ५०२ नम्बरके मोटरसाइकलहे ठक्कर डेहेबर विङ्गरमे सवार ११ ओ एकजाने मोटरसाइकल चालक सहित १२ जाने घाहिल हुइल हुइट ।

मोटरसाइकल चालक धगगढी वडा नम्बर १५ के लक्ष्मण चौधरीके अवस्था गम्भीर रहल बा । धनगढीसे टीकापुर जैटी रहल विङ्गरसे रोड क्रस करटी रहल मोटरसाइकलहे ठक्कर डेहल इलाका प्रहरी कार्यालय चौमलाके प्रहरी नायब निरीक्षक बिरबहादुर बोहरा जानकारी डेलै ।

घाहिल हुउइयाहुक्रनके उपचारके लाग धनगढीस्थित सेती प्रादेशि अस्पताल लानल बा ।