थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १९ अगहन २६४५, अत्वार ]
[ वि.सं १९ मंसिर २०७८, आईतवार ]
[ 05 Dec 2021, Sunday ]

५ से ११ वर्षके लर्कन फाइजर खोप लगैना सिफारिस

पहुरा | ११ कार्तिक २०७८, बिहीबार
५ से ११ वर्षके लर्कन फाइजर खोप लगैना सिफारिस

काठमाडौं, ११ कार्तिक । अमेरिकाके एक सरकारी प्यानलसे ५ से ११ वर्षके लर्कनहे फाइजर/बायोइन्टेक खोप लगाई पर्ना सिफारिस करले बा ।

अमेरिकाके खाद्य तथा औषधि विभाग (एफडीए) के विज्ञसे ५ से ११ वर्षसमके बालबालिकाहे खोप लगाई पर्ना कदमके समर्थन करलसंगे कुछ हप्ताभिटरे आतपकालीन अवस्थामे खोप लगाई सेक्ना डगर खुलल बीबीसी जनैले बा ।

सेप्टेम्बरमे खोप उत्पादक कम्पनीसे अपन परीक्षणसे फाइजर÷बायोइन्टेक खोप उ उमेर समूहके बालबालिकाके लाग सुरक्षित डेखल जनाइल रहे । नियमनकर्तासमक्ष पेश करल परीक्षण नतिजा यी उमेर समूहके बालबालिकामे सशक्त एन्टीबडी निर्माण हुइना डेखल रहे ।

अमेरिकामे हाल १२ वर्षउप्परके बालबालिकाहे उ खोप यी आघे डेहे लागल बा । पछिल्का निर्णयसे २ करोड ८ लाख अमेरिकी बालबालिका लाभान्वित हुइही ।

एफडीए ओ सीडीसी (रोग नियन्त्रण तथा रोकथाम केन्द्र)से अनुमति डेहलपाछे उ निर्णय लागू हुई । एफडीएके विज्ञसे खोप लगाइलपाछे यिहीसे उत्पन्न हुई सेक्ना स्वास्थ्य जोखिमसे फाइदा ढेर हुइल फे बटैले बटै ।

अनुमित पैटी की ५ से ११ वर्ष उमेर समूहके बालबालिकाहे वयस्कहे डेना खोपके एकतिहाई केल डेजाई । हालसम अमेरिकामे कोरोना भाइरससे सात लाख ४० हजार मनैनके मृत्यु हुइल बा ।

यिहेबीच, सोम्मार मोर्डनासे परीक्षणसे ६ से ११ वर्ष उमेर समूहके बालबालिकाके शरीरमे अपन खोप लगाईबेर ‘भाइरसहे जित्न सशक्त एन्टीबडी’ उत्पादन हुइना डेखल ओ नियमनकर्ता समक्ष परीक्षणके नतिजा पेश कैना बटाइल बा ।

बेलायतसे भर्खर १२ से १५ वर्षके बालबालिकाहे कोभिड खोप डेहे सुरु करले बा । स्वास्थ्य अधिकारीसे उ उमेर समूहके बालबालिकाहे एक डोज खोप लगैना सिफारिस करले बटै ।

बीबीसीके अनुसार ५ से ११ वर्ष उमेर समूहके बालबालिकाहे खोप डेना निर्णय ऐतिहासिक रहल ओ यिहीसे और मुलुक समेत प्रभावित बटै ।

जनाअवजको टिप्पणीहरू