थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १९ अगहन २६४५, अत्वार ]
[ वि.सं १९ मंसिर २०७८, आईतवार ]
[ 05 Dec 2021, Sunday ]

प्रहरीके हत्यामे संलग्न ९ जनहनहे जन्मकैदके फैसला

पहुरा | ११ कार्तिक २०७८, बिहीबार
प्रहरीके हत्यामे संलग्न ९ जनहनहे जन्मकैदके फैसला

पहुरा समाचारदाता
धनगढी, ११ कार्तिक ।
कैलालीमे दुई प्रहरीके हत्या करल अभियोगमे पक्राउ परल ९ जनहनहे जन्मकैदके फैसला सुुनाइल बा ।

धनगढीके अस्थायी प्रहरी पोष्ट जुुगेडामे कार्यरत प्रहरी सहायक निरीक्षक गोविन्द विक ओ प्रहरी जवान रामबहादुर साउदके हत्या अभियोगमे पक्राउ परल ९ जनहनहे जन्मकैदके फैसला हुइल जिल्ला अदालत कैलाली जनैले बा ।

अदालतके श्रेस्तेदार राइभान कुुन्जेडा जिल्ला न्यायाधिश जयानन्द पनेरुके इजलाससे मंगरके उ मुुद्दाके अन्तिम फैसला करटी ९ जनहनहे जन्मकैद ओ एक जनहनहे सफाइ डेहल जानकारी डेलै ।

उहाँक अनुसार मुुख्य योजनाकार धनगढी उपमहानगरपालिका–१० के ३५ वर्षीय सुुकबहादुर राना कना अमर राना, २३ वर्षीय पर्कु कना रोहित राना, उहृ ठाउँ बैठना दुसर रोहित राना, ३० वर्षीय सुरेश राना, २० वर्षीय राजेन्द्र राना, गब्बर कना २५ वर्षीय राजकुमार राना, २२ वर्षीय रामनिवास राना, २९ वर्षीय टल्लु कना दलराम राना ओ धनगढी उपमहानगरपालिका–११ बैठना गोपाल कना २५ वर्षीय रामगोपाल रानाहे जन्मकैदके फैसला हुइल बा ।

हत्या अभियोगमे पक्राउ परल धनगढीके मटर व्यापारी राजिव गुप्ता भर सफाइ पाइल कुन्जेडा बटैलै ।

गैल वर्षके कार्तिक १ गते तस्करी नियन्त्रणमे खटल बेला मटर तस्करके समूहसे प्रहरी सहायक निरीक्षक विक ओ जवान साउदके विभत्स हत्या करके शव नेपाल–भारत सीमा हुके बहना मोहना लडियामे फेकल रहे ।

जनाअवजको टिप्पणीहरू