चक्कु प्रहार करके हत्या करुइया पक्राउ

पहुरा समाचारदाता
धनगढी, १३ कार्तिक । कैलालीमे चक्कुु प्रहार करके एक जाने किशोरके हत्या हुइल बा ।

टीकापुर नगरपालिका–८ कालीमाटीमे शुकके रात उहे ठाउँ बैठना १८ वर्षीय अनुप साउदके चक्कुु प्रहार करके हत्या हुइल प्रहरी जनैले बा । जिल्ला प्रहरी कार्यालय कैलालीके प्रमुख, प्रहरी उपरीक्षक (एसपी) विश्व अधिकारी आपसी विवादके क्रममे भजनी नगरपालिका–३ बैठना १८ वर्षीय किरण साउदसे चक्कु प्रहार करके अनुपके हत्या करल जानकारी डेलै ।

एसपी अधिकारीके अनुसार चक्कुु प्रहारसे गम्भीर घाहिल हुइल अनुपके उपचारके क्रममे शुकके रात टीकापुर अस्पतालमे मृत्यु हुइल हो ।

चक्कु प्रहार करके फरार हुइल किरणहे इलाका प्रहरी कार्यालय टीकापुरके टोलीसे नियन्त्रणमे लेके अनुसन्धान करटी रहल बा ।