नेपाल लोकतान्त्रिक पार्टीके अगहन ३ ओ ४ मे राष्ट्रिय भेला

पहुरा समाचारदाता
काठमाडौं, १३ कार्तिक । नेपाल लोकतान्त्रिक पार्टीेसे अगहन ३ ओ ४ गते राष्ट्रिय भेला आह्वान करले बा ।

टमान मोर्चा, संगठनहुकनहे पार्टीमे समाहित कैना ओ पार्टीके अइना रणनीतिबारे जानकारी करैना उद्देश्यसे भेला आयोजना करल अध्यक्ष भानुराम डगौरा थारु जानकारी डेलै । उहाँक अनुसार भेला काठमाडौं हुइना कहलेसेफे तराईक जिल्लामे सरे सेक्ना बा ।

अध्यक्ष थारुसे निर्वाचन लग्गे हुइटी रहल ओरसे बैठक, भेला ओ छलफल जारी रहल कहटी अइना निर्वाचनमे गठबन्धन बनैनामे जोड डेना बटैलै । अब्बे गठबन्धनमे जोरल दलहुकनबीच कालान्तरमे पार्टी एकीकरणके लक्ष्यसमेत राखल उहाँके कहाई बा । नेपाल सद्भावना पार्टी, संघीय लिम्बुवानलगायत पार्टीसंग छलफल जारी रहल उहाँ बटलै ।

२० से ढेर जिल्लामे संगठन विस्तार करसेकल लोकतान्त्रिक पार्टीसे यिहीहे तीव्रता डेना, पार्टी प्रवेश करैना, पार्टीके सिद्धान्त, विचार ओ कार्यनीतिहे प्रशिक्षित पर्ना काम हुइटी रहल अध्यक्ष थारु बटैलै । उहाँ कहलै, ‘संगठन विस्तार ओ चुनाव कैसिक फेस कैना कनामे केन्द्रित बाटी ।