नेपाल भारत मैत्री संघसे बाढ पीडितहुकन राहत

पहुरा समाचारदाता
धनगढी,१६ कार्तिक । नेपाल भारत मैत्री संघ केन्द्रीय कार्यालयसे कैलालीके बाढ पीडितहुकन राहत प्रदान करले बा ।

गैल कुवाँर ३१ गतेसे कार्तिक ३ गतेसम परल अविरल वर्षासे प्रभावित हुइल टीकापुर नगरपालिका ८ के ५० घर परिवारहे राहत स्वरुप खाद्यान्न वितरण करल नेपाल भारत मैत्री संघके उपाध्यक्ष हरि शंकर ठाकुर बटैलै । उहाँक अनुसार बाढसे क्षति करल बेला प्रतिघर २५ केजी चामल २ केजी दाल नोन ओ तेल सहयोग करल जनाइल बा ।

बाढसे प्रभावितहुकनहे राहत वितरणके लाग केन्द्रीय सह–अध्यक्ष शैलेन्द्र मोहन झा, केन्द्रीय वरिष्ठ उपाध्यक्ष तुलबहादुर साउद, केन्द्रीय उपाध्यक्ष हरि शंकर ठाकुर, महासंघके सचिव बोध कृष्ण सुवेदी केन्द्रीय सदस्य जागृति बोगटी, आजिवन सदस्य पुष्कर अवस्थीके उपस्थिति रहल रहे । संघसे सोम्मार कञ्चनपुरके १७४ परिवारहे राहत प्रदान करल रहे ।