लागु औषध नियन्त्रण करमः वडा प्रहरी इन्चार्ज

पहुरा समाचारदाता
धनगढी, १७ कार्तिक । वडा प्रहरी कार्यालय धनगढीके वडा इन्चार्ज गौरी प्रसाद जैसी धनगढीमे बह्रटी गैल लागु औषध नियन्त्रण कैना बटैले बटै ।

बुधके रोज धनगढीमे पत्रकार भेटघाट तथा चाडपर्व लक्षित कार्यक्रमबारे जानकारी उहाँ वडा प्रहरी कार्यालयसे चोरी, अपराधिक गतिविधि न्यूनिकरण कैनामे रातदिन खटल बटैलै । उहाँ कहलै–‘मै यहाँ सरुवाहुके आइल भर्खर तीन महिना हुइल । पहिल महिना धनगढीके गतिविधि बुझनामे लागल । मने यी अवधिमे ढेर काम हुइल बा ।’

रात–रातके नेंग्ना १६० जनहनहे सोधपुछ करके ५ जहन जिल्ला प्रहरी कार्यालयमे पठाइल, भीडभाड हुइना बस पार्कमे यात्रु सहायता कक्ष स्थापना करके यात्रुबस व्यवस्थित बनाइलफे उहाँ बटैलै । भारत लगायत टमान ठाउँसे अइना लाहुरहुकन सीमानाकामे अटो चालकसे ठग्ना करलहे नियन्त्रणमेफे ध्यान डेहल वडा प्रहरी इन्चार्ज जैशी बटैलै ।