कैलारी–७ हे साक्षर घोषणा

पहुरा समाचारदाता
हसुलिया, ६ अगहन । कैलालीके कैलारी गाउँपालिकास्थित ७ नम्बर वडाहे साक्षर वडा घोषणा करल बा । सोम्मार एक कार्यक्रम करके वडाहे साक्षर घोषणा करल हो ।

वडामे रहल १५ से ६० वर्ष उमेर समूहके ९५ प्रतिशत व्यक्ति साक्षर हुूइलपाछे साक्षर वडा घोषणा करल वडा अध्यक्ष कमलप्रसाद चौधरी जानकारी डेलै । वडा अध्यक्ष चौधरीके अध्यक्षतामे हुइल कार्यक्रममे शिक्षा शाखा प्रमुख गणेश मिश्र, वडा सदस्य, टमान गाउँक भलमन्सा, शिक्षक, महिला स्वास्थ्य स्वयम् सेविकाके उपस्थिति रहल रहे । यी वडाके जनसंख्या छ हजार ९७९ रहल बा ।